YAASINƆ 28:1-12

¹Yãvãnikɛrii dì bàa lɛ́, bee tó òtɛn pɛ́aro, gbɛ̃ mana dìgↄ̃ wↄ́rↄgↄ vĩ lán músu bà.

²Tó bùsu taari kɛ̀ zↄ̃kↄ̃, a kínanↄ dìgↄ̃ dasimɛ, ama laakaride yãdↄ̃ri ni tó aafia gↄ̃ kun.

³Kína kũ àdi wɛ́ tã takasidenↄa de lán legũ kũ à mà à pↄ́ble yàkaa bàmɛ.

⁴Dokadarisarinↄ dì yãvãnikɛrinↄ sáabu kpá, dokadarinↄ sↄ̃ òdi fìti kɛ kũńwo.

⁵Gbɛ̃ vãninↄ yãzɛde mì dↄ̃ro, ama gbɛ̃ kũ òdi Dikiri arɛ wɛtɛnↄ dↄ̃ swáswa.

⁶Takaside taarisaride mana de aruzɛkɛde yãlɛkpɛrɛkɛrila.

⁷Nɛ́ dokadari asãnsĩni vĩ, pãpãdenↄ gbɛ̃nna dì wé'i da a deamɛ.

⁸Gbɛ̃ kũ àdi a aruzɛkɛ kara ↄgↄ'i zↄ̃kↄ̃ↄ gũn tɛn pↄ́ kakara gbɛ̃ kũ àdi takasidenↄ wɛ̃nda gwanɛmɛ.

⁹Gbɛ̃ kũ àdi doka kpá sãkoto, Luda dì zã a aduakɛnan.

¹⁰Gbɛ̃ kũ àdi gbɛ̃ mananↄ da zɛ́ vãnia ni lɛ́tɛ à da a zĩda tankutɛmmɛ, taarisaridenↄ sↄ̃ oni bo mana.

¹¹Ɔgↄde dì a zĩda ditɛ ↄ̃ndↄ̃de ũmɛ, ama takaside asãnsĩnide dì a ↄ̃ndↄ̃ dↄ̃amɛ.

¹²Tó gbɛ̃ mananↄ zĩ̀i blè, gbɛ̃ sĩnda pínki dì ĩa dãmɛ, tó yãvãnikɛrinↄ kpata blè, baadi dìgↄ̃ mì kpáguimɛ.