YAASINƆ 27:7-22

⁷Gbɛ̃ kũ à kãna dì zã̀zã kũ kũ zↄ́omɛ, ama nàdɛri pↄ́ kyã̀kyã dↄ̃ro.

⁸Gbɛ̃ kũ à kɛ̃̀ a ↄnnwa àtɛn likara de lán bã kũ à sã̀tɛ a sàaa bàmɛ.

⁹Nísi gbĩ nnanna kũ turaretitio dì ń pↄ kɛ nna, lɛ́dakↄ̃ana kũ nɛ̀sɛ mɛ̀n doo dì gbɛ̃nnanↄ kɛ nna.

¹⁰Ǹsun pã kpá n gbɛ̃nnairo ke n de gbɛ̃nna. Tó yã n le, ǹsun gɛ́ n vĩ̀ni ke n dakũna bɛaro. N gbɛ̃dake kũ à kú kãni kũńwo mana de n bɛ gbɛ̃ kũ à kú zã̀la.

¹¹Ma nɛ́, ǹgↄ̃ ↄ̃ndↄ̃, ma pↄ ni kɛmma nna, mani we ma sↄ̃̀sↄ̃rinↄa sà.

¹²Laakaride dì yã pãsĩ e káaku, akũ àdi utɛnɛ, laasunsaride dì gí àgↄ̃ gɛ́, akũ àdi yã le.

¹³Tó gbɛ̃ nibↄ fĩnaa dì a musu, ǹ a uta sí ǹgↄ̃ kũna tↄrↄma ũ ade gɛ̃nɛ ũ.

¹⁴Tó n yã ò gbãnagbãna n sa mana ò n gbɛ̃dakenɛ kↄnkↄkↄnkↄ, onigↄ̃ da sa vãnimɛ.

¹⁵Nↄ fìtide de lán legũ'i kũ àtɛn tↄ́tↄ zɛnaa sari bàmɛ,

¹⁶a dãdãna de lán ĩa dãdãnaa bàmɛ, ade tɛn nísi'iwa kũ kũ ↄomɛ.

¹⁷Lákũ mↄ̀nↄ dì kↄ̃ lɛ́ kɛkɛ nà, lɛn bisãsiri dì a gbɛ̃dake kɛkɛ lɛ.

¹⁸Tó gbɛ̃ laakarii dↄ̀ kaka lía, ani a nɛ́ ble, tó gbɛ̃ a dikiri yã mà, ani a kpe ta.

¹⁹Lákũ gbɛ̃ dì a nini e ín nà, lɛn bisãsirinↄ dìgↄ̃ kↄ̃ laasun dↄ̃ lɛ.

²⁰Lákũ gɛ̀nↄ dì mↄ́ gaaro nà kũ gyãwãnnwo, lɛn gbɛ̃ wɛ́ yena pↄ́i dì mↄ́aro lɛ.

²¹Lákũ òdi andurufuu kũ wuraao mana dↄ̃ a baasanaa gũn nà, lɛn òdi bɛ̀ɛrɛ lí gbɛ̃nɛ a tↄ́bonaa gũn lɛ.

²²Bee tó n fayasaride dà gón n a sabò lán pↄ́blewɛ bà, a fayasarikɛ ni kɛ̃aro.