YAASINƆ 27:10-25

¹⁰Ǹton pã kpá n gbɛ̃nnaziro ke n de gbɛ̃nna. Tó yã n le, ǹton gá n vĩ̀i ke n dãaro bɛro. N gbɛ̃daaa kɛ̀ kúńyo kĩi maa dɛ n bɛ gbɛ̃ kɛ̀ kú zã̀la.

¹¹Ma nɛ́, ǹgↄ̃ ↄ̃ndↄ̃, ma pↄↄ é kɛmma nna, mɛ́ we ma sↄ̃̀sↄ̃rinↄla.

¹²Làakaridee è yã pãsĩ e káaku, ben è utɛnɛ, laasuusaidee è gí àgↄ̃ gaa, ben è yã e.

¹³Tó gbɛ̃ nibↄ fĩa dì a musu, ǹ à uta sí ǹgↄ̃ kũna tↄↄba ũ adee pì gɛ̃ɛ ũ.

¹⁴Tó n yã ò gbãngbãn n sa maaa ò n gbɛ̃daaanɛ kↄngↄ idɛ'idɛ, weé da sa zaaa ũmɛ.

¹⁵Nↄ swèedee dɛ lán í kɛ̀ e tↄ̃tↄ̃ↄ zɛna sai lou zãa gurↄ bàmɛ,

¹⁶à dãdãna dɛ lán ĩa dãdãna bàmɛ, adee e nↄ̀si'í kũu kↄ̃n ↄↄomɛ.

¹⁷Lán mↄ̀nↄ è kↄ̃ lɛ́ kɛ nà, lɛn gbɛ̃ntee è a gbɛ̃daaa kɛkɛ lɛ.

¹⁸Tó gbɛ̃ làakari dↄ̀ kãkã lía, eé à nɛ́ ble, tó gbɛ̃ a dii yã mà, eé a kpe da.

¹⁹Lán gbɛ̃ è a ninii e ín nà, lɛn gbɛ̃nteenↄ ègↄ̃ kↄ̃ laasuu dↄ̃ lɛ.

²⁰Lán gɛ̀nↄ è mↄ́ gaaaro nà kↄ̃n gɛ̀wãao, lɛn gbɛ̃ wɛ́ɛ yena pↄ́zi è mↄ́aro lɛ.

²¹Lán wè kondogi kↄ̃n vurao maaa dↄ̃ a baasana guu nà, lɛn wè bɛ̀ɛ lí gbɛ̃nɛ à tↄ́bↄna guu lɛ.

²²Baa tó n faasaidee dà gón n à sabò lán pↄ́wɛɛ bà, à faasaikɛ é kɛ̃aro.

²³Ǹgↄ̃ n pↄ́kãdeenↄ kuuna dↄ̃ maamaa, ǹ làakari dↄ n kpàsa pↄ́nↄa,

²⁴zaakɛ auziki ègↄ̃ kuu gurↄ sãnda píngiro, baa kpata è gↄ̃ gbɛ̃ pↄ́ ũ ai a boriiaro.

²⁵Sɛ̃̀ è yãa, à dufu è bↄɛ, nɛɛ̀ à tàgaa kpá pↄ́nↄa,