YAASINƆ 26:9-28

⁹Yáasi kɛ̀ kú yↄ̃nkↄↄ lɛ́n dɛ lán lɛ̀ kɛ̀ dana wɛ̃dɛri ↄzĩ bàmɛ.

¹⁰Gbɛ̃ kɛ̀ yↄ̃nkↄↄ ke gbɛ̃ gɛ̃̀zɛ́laa dà zĩin dɛ lán tofekari kɛ̀ è nↄ̀bↄ píngi gbãa bàmɛ.

¹¹Yↄ̃nkↄ ɛarana a yãfaasaikɛnaa dɛ lán gbɛ̃ɛ kɛ̀ ɛ̀ara a pisizi bàmɛ.

¹²N gbɛ̃ kɛ̀ à a zĩnda dìɛ ↄ̃ndↄ̃dee ũu èↄ́? Yↄ̃nkↄↄ sã̀ↄ dɛàla.

¹³Mɛadee è be: Músu kú zɛ́mmɛ, nↄ̀bↄ pãsĩ tɛ́ gãaɛ.

¹⁴Lán gbà ègↄ̃ nigãa a sigbea nà, lɛn mɛadee ègↄ̃ liɛliɛ a daɛkiia lɛ.

¹⁵Mɛadee è ↄ gɛ̃ taan à fua à pↄ́blee lí à da a lɛ́n.

¹⁶Mɛadee ègↄ̃ daa a ↄ̃ndↄ̃ↄ dɛ yãwenladↄ̃ri gↄ̃ↄn swɛɛplaaanↄla.

¹⁷Gbɛ̃ kɛ̀ vĩ̀ à pɛ̀ɛ danↄ lɛokpakↄ̃an dɛ lán gbɛ̃ kɛ̀ gbɛ̃ɛ kũ̀ a swãa bà.

¹⁸Gbɛ̃ kɛ̀ à a gbɛ̃daaa sã̀sã gbasa à bènɛ: Mɛ́ɛ fàadi boomɛ dɛ lán bã̀ndee kɛ̀ e kà tɛ́dee kↄ̃n kà sɛwɛɛdeeo zuuńzi bàmɛ.

²⁰Tó yàka kuuro, tɛ́ è gamɛ, tó kↄmↄtↄdee kuuro, swèe è yãamɛ.

²¹Lán sĩsĩi è kɛ tɛ́yↄ̃nɛ nà, lán yàka è kɛ tɛ́nɛ nà, lɛn lɛokpakↄ̃adee è swèe da lɛ.

²²Kↄmↄtↄde yã è kɛńnɛ lán zↄ́ bà, è gɛ̃ lɛ́n dↄ̃̀ↄ ai nↄ̀sɛ guu.

²³Nↄ̀sɛpãsĩdee kɛ̀ è yã nnannaa ońnɛ dɛ lán loo kɛ̀ wà kondogi í lɛ̀a bàmɛ.

²⁴Zanguri è a zĩnda kɛkɛ kↄ̃n lɛ́omɛ, mↄde mↄnafiki bé à kú à swɛ̃̀n.

²⁵Tó yã nnannaa bↄ̀ à lɛ́n, ǹton síro, zaakɛ yã zaa mɛ̀n swɛɛplaa bé à kú à swɛ̃̀n.

²⁶Baa tó à a zangu ùtɛ mↄnafiki guu, à zaaa è bↄ gupuraaa pari wáa.

²⁷Gbɛ̃ kɛ̀ èe wɛ̀ɛ yↄ̃ↄńnɛ é zu à guumɛ, gbɛ̃ kɛ̀ èe gbɛ̀ gbegere paa, gbɛ̀ pì é si adeea.

²⁸Ɛgɛdee è za gbɛ̃ kɛ̀ è ń yakan, mↄnafikidee è gbɛ̃ kpá lɛɛnazi.