YAASINƆ 23:11-31

¹¹zaakɛ aↄ̃ Dãkpari gbãa, eé bↄ n kpɛɛ à yã síńyo.

¹²Ǹ lɛ́damma yã da n swɛ̃̀n, ǹ làakari dↄ dↄ̃nayãa.

¹³Ǹton gí n nɛ́ totoziro. Tó n à gbɛ̃̀ flã̀o, eé garo.

¹⁴Ǹ à gbɛ̃ flã̀o, lɛ ǹ à bↄ gaa ↄzĩ.

¹⁵Ma nɛ́, tó n ↄ̃ndↄ̃ↄ vĩ n swɛ̃̀n, ma pↄↄ é kɛ nna.

¹⁶Tó yãzɛdee e bↄↄ n lɛ́n, ma pↄↄ é kɛ nna.

¹⁷Ǹton durunkɛrinↄ gwena ni dɛro, ǹgↄ̃ Dii vĩa vĩ gurↄ sãnda píngi,

¹⁸zaakɛ nɛ́gↄ̃ ziaa vĩmɛ, tãmaa é n nɛro.

¹⁹Ma nɛ́, ǹ ma yã ma lɛ ǹ ↄ̃ndↄ̃ kũ, ǹ tó n swɛ̃̀ gↄ̃ tɛ́ zɛ́ maaazi.

²⁰Ǹton kakↄ̃a kↄ̃n wɛ̃mirinↄro, ǹtongↄ̃ kú lóudeenↄ tɛ́ro,

²¹zaakɛ wɛ̃dɛri kↄ̃n lóudeeo è gↄ̃ takaasideenↄ ũ, aↄ̃ mɛ̀kpɛtɛ è ń da utakãsãdanammɛ.

²²Ǹ n de'ina yã ma, tó n da zi kũ̀, ǹton kyakanlo.

²³Ǹgↄ̃ yãpuraa wɛtɛɛ, ǹton ↄ kpáziro, ǹ ↄ̃ndↄ̃ kũ kↄ̃n yãdadanao kↄ̃n wɛ́ɛzɛ̃ɛo.

²⁴Gbɛ̃ maaa de pↄↄ ègↄ̃ nna maamaa, gbɛ̃ kɛ̀ nɛ́ ↄ̃ndↄ̃dee ì pↄↄ ègↄ̃ nnaaamɛ.

²⁵Ǹ tó n de kↄ̃n n dao pↄↄ kɛmma nna, ǹ tó n da'ina guda dↄmma.

²⁶Ma nɛ́, ǹ n nↄ̀sɛ wɛ̃mɛ, n wɛ́ɛ gↄ̃ tɛ́ ma yãkɛnazi,

²⁷zaakɛ kaarua nɛ́ wɛ̀ɛ zòotomɛ, nↄ pãpãkɛri nɛ́ lↄ̀gↄ zã̀mɛ.

²⁸È gbɛ̃ kpákpa lán kpãi wɛ́ɛdewɛ bà, è tó gↄ̃gbɛ̃ paridee gↄ̃ náanɛ sai.

²⁹Dén wè wãiyoo kɛnɛ? Dén wè o'oo kɛnɛ? Dé bé à lɛokpakↄ̃a vĩi? Dé bé à zↄka vĩi? Dé bé è kɛ̃nna pãa? Dé wɛ́ɛ bé à tɛ̃aa?

³⁰Gbɛ̃ kɛ̀ aↄ̃è gì kɛ wɛ̃mikiianↄ, kɛ̀ aↄ̃è gá kpáɛ kɛ geepiwɛ̃ yãkↄ̃tɛnanↄzimɛ.

³¹Ǹton wɛ́ɛ bii geepiwɛ̃ɛa lɛ à tɛ̃akɛ wãkũ n kũro, zaakɛ ègↄ̃ pipii togoo guumɛ à gɛ̃na lɛ́n ègↄ̃ nna.