12Faasaidee è a gbɛ̃daaa fabo, làakaridee è a lɛ́ kũ.
13Kↄmↄtↄdee è bↄ asiiyão gupuraaa, gbɛ̃ náanɛdee è ń asii ta.
14Dↄn'aɛdesaikɛɛ è tó gbɛ̃nↄ fu, yãkɛkɛri pariinↄ è tó wà zĩ̀ ble.
15Tó n gbɛ̃ pãnde fĩa dì n musu, n ka wɛ́ɛtãmmalamɛ, gbɛ̃ kɛ̀ a ↄↄ bↄ̀ɛn è gↄ̃ a làakaria.
16Gbãamↄnnɛri ègↄ̃ auziki vĩ, mↄde nↄgbɛ̃ nↄ̀sɛmaadee ègↄ̃ bɛ̀ɛ vĩńnɛ.
17Sùudee è maaa i a zĩndanɛ, gbɛ̃ pãsĩ è a zĩnda kpá nawɛ̃azi.
18Gbɛ̃ zaaa asaia ègↄ̃ aubarika vĩro, yãmaatↄ̃ri è àre e yãpura.
19Kuuna maa yãpura è ń ká wɛ̃̀ndia, tɛna à zaaazi è mↄ́ gaao.
20Dii tɛ̃̀n nↄ̀sɛzaadeenↄ ũ, à pↄↄ è kɛ nna taarisaideenↄa.
21Yãpura, gbɛ̃ zaaanↄ é bↄ pãro, mↄde gbɛ̃ maaanↄ é bↄ aafia.
YAASINƆ 11
YAASINƆ 11:12-21