Text copied!
CopyCompare
Luda yã takada kũ Bisã yão - YAASINƆ - YAASINƆ 10

YAASINƆ 10:15-28

Help us?
Click on verse(s) to share them!
15Ɔgↄde aruzɛkɛ dìgↄ̃ denɛ lán wɛ̃tɛ bĩnide bà, takaside takasi sↄ̃ àdi a kakatɛ.
16Gbɛ̃ mana láada dì sunɛ kũ wɛ̃̀ndiio, yãvãnikɛrii àree dì wɛ́tãmma inɛ.
17Gbɛ̃ kũ àdi lɛ́damma ma dì wɛ̃̀ndi zɛ́ mↄ́ńnɛ, gbɛ̃ kũ àdi pã kpá foruii dì ń sãtɛ.
18Gbɛ̃ kũ àdi zãngu utɛ bi ɛ́kɛdemɛ, gudɛri bi yↄ̃nkↄmɛ.
19Yã dasi bↄtɛnaa dìgↄ̃ durunna sariro, gbɛ̃ kũ àdi a lɛ́ kũ bi laakaridemɛ.
20Gbɛ̃ mana nɛ́nɛ de lán andurufu swáswa bà, yãvãnikɛrii nɛ̀sɛɛ bɛ̀ɛrɛ vĩro.
21Gbɛ̃ mana yã'onaa dì gbɛ̃ dasinↄ da zɛ́a, laakarisaride dì ga fayasarikɛ gũmmɛ.
22Dikiri arubarikaa dì ń kɛ aruzɛkɛde ũ, zĩkɛna kũ wario dì pↄ́ke kararo.
23Vãnikɛna de yↄ̃nkↄnɛ kↄ̃kↄ̃yã ũ, ↄ̃ndↄ̃ dì kɛ laakaridenɛ nna.
24Yã kũ yãvãnikɛri tɛn vĩna kɛnɛ mɛ́ ani a le, Luda ni pↄ́ kũ gbɛ̃ mana yei kpáa.
25Tó zàga'ĩa kàka à gɛ̃̀, yãvãnikɛrinↄ dìgↄ̃ kun doro, gbɛ̃ mana zĩni dìgↄ̃ pɛtɛna gↄrↄ sĩnda pínki.
26Lákũ lemu kpã̀kpãa dì kɛ sakaanɛ nà, lákũ túsukpɛ dì kɛ wɛ́nɛ nà, lɛn ma'ãde de lɛ gbɛ̃ kũ ò a zĩ̀nↄnɛ.
27Vĩnakɛna Dikirinɛ dì wɛ̃̀ndi gbã̀na kara, yãvãnikɛrinↄ sↄ̃, ń wɛ̃̀ndi nigↄ̃ kutumɛ.
28Gbɛ̃ mananↄ wɛ́ dìgↄ̃ dↄ pↄnnai, yãvãnikɛrinↄ sↄ̃, wɛ́dↄina ni ń nɛ.

Read YAASINƆ 10YAASINƆ 10
Compare YAASINƆ 10:15-28YAASINƆ 10:15-28