Text copied!
CopyCompare
Bibeli Luayãtaalá - Yáasiↄ - Yáasiↄ 30

Yáasiↄ 30:10-29

Help us?
Click on verse(s) to share them!
10Ńsu yãdↄ zↄwa a dii kĩ́io, kɛ́ asu n ka, à wi n musuo yã́i.
11Gbɛ̃eↄ ku, aaì ń mae kaɛ, aali samaa'o ń daɛo.
12Gbɛ̃eↄ ku aaliↄ e wa gbãsĩo, kási an ã́makɛ i kɛ̃́máo.
13Gbɛ̃eↄ ku an wɛ́pɛkĩi zã̀, aaì ń mi ga da ía.
14Gbɛ̃eↄ ku an swaaá fɛ̃ndaɛ, an kãnkãnaá fɛ̃naɛ, aaì dṹnia taasideↄ ń gbɛ̃nazĩn wɛ̃nadeↄ taitaiò.
15Too nɛnↄɛnaↄ vĩ mɛ̀n pla, aaì mɛ: Wá gba, wá gba. Pↄ́ mɛ̀n àaↄ̃ ku aali kã́o, à kà síiↄ̃ se, aali mɛ pↄ́ mↄ̀máo:
16Bɛda ń nɛasakpɛ giio ń tↄↄlɛo asa í lí mↄ́wào ń tɛ́o asa ìli mɛ a kã ziio.
17Wɛ́ pↄ́ nɛ́ ì a mae láanikɛò mɛ́ ì sakaò a dau, swa'ɛ gbagbaaↄ mɛ́ aa aà wɛ́pi bↄ, yãamusuↄ i gbasa aa aà gɛ ble.
18Yã́ mɛ̀n àaↄ̃ ku aa dɛ ma dↄ̃ala, à kà síiↄ̃ se kɛ́ má ń midↄ̃o:
19Zɛ́ pↄ́ yãamusu ìↄ bɛò musu, zɛ́ pↄ́ mlɛ̃ ìↄ táa'oò gbɛsɛɛnaa, zɛ́ pↄ́ gó'ilɛna ìↄ bɛò ísia guo ń zɛ́ pↄ́ gↄ̃ɛ ìↄ yeò wɛ̃́ndiazio.
20Nↄɛ dↄ́ɛ'ĩide yãkɛan kɛ: Ì pↄble, ì ↄma a lɛ́wa, ì mɛ i vãikɛo.
21Yã́ mɛ̀n àaↄ̃ ì tↄ̃ tↄↄlɛwa à lualua, à kà síiↄ̃ se a yã́piↄ fↄ̃o:
22Zↄ kpalablea, sↄũ pↄble kãa,
23nↄɛ pↄ́ wa zau zãkɛa, zↄ̀ wɛ̃́ndia gↄ̃a a dii zã́ nↄ ũ.
24Pↄ́ nɛ́naↄ ku tↄↄlɛ mɛ̀n síiↄ̃, kási aa ↄ̃nↄ vĩ maamaaɛ:
25Bↄↄnaↄ dɛ pↄ́ gbãaↄ ũo, kási aaì blɛ kũ̀sũa di saɛɛ.
26Ɛ̃n'ui'uinaↄ dɛ pↄzↄ̃ↄↄ ũo, kási aaì bɛkpa gbɛ̀sↄↄuɛ.
27Kwaↄ líↄ kía vĩo, kási aaì bↄlɛ zɛ́zɛ gã ń gãoɛ.
28Ńyↄ̃ fↄ̃ zↄ̃ kṹ ń ↄo, kási ì e gɛ na kía kpɛ́ saaiɛ.
29Pↄ́ mɛ̀n àaↄ̃ ku an bɛa maa, à kà síiↄ̃ se an táa'oa kɛfɛũ:

Read Yáasiↄ 30Yáasiↄ 30
Compare Yáasiↄ 30:10-29Yáasiↄ 30:10-29