Y Salmo Sija 96:1-11

¹O cantaye si Jeova ni y nuebo na canta: cantaye si Jeova todo y tano.

²Cantaye si Jeova, bendise y naanña; fanmamanue ni y satbasionña guinin y jaane yan y jaane.

³Sangan claro y minalagña gui nasion sija ya y ninámanmanña gui entalo todo y taotao sija.

⁴Sa si Jeova dangculo, yan sendangculo para umaalaba: güiya umamaañaogüe mas qui todo yuus.

⁵Sa todo y yuus y nasion sija manidolo: lao si Jeova fumatinas y langet sija.

⁶Onra yan minagas mangaegue gui menaña: minetgot yan guinatbo mangaegue gui jalom y santos na sagaña.

⁷Nae si Jeova, O familian gui taotao sija, nae si Jeova minalag yan minetgot.

⁸Nae si Jeova ni y minalag sa uiyon y naanña: chule y ninae ya maela sanjalom gui sagaña.

⁹O adora si Jeova gui guinatbon y sinantosña: fanlaolao gui menaña todo y tano.

¹⁰Sangan gui nasion sija na si Jeova jagobiebietna: y tano maplanta locue ni y ti siña manacalamten: guiya jumusga y taotao gui tininas.

¹¹Manmagof y langet sija, yan senmagof y tano; ya y tase palalangpang, yan y binilaña.