Y Salmo Sija 89:16-51

¹⁶Sa y naanmo nae manmamagof todot dia: yan y tininasmo nae munafangajulo.

¹⁷Sa jago y minalag y minetgotñija: yan pot y finaboresimo na injatsajulo y canggelonmame.

¹⁸Sa iyon Jeova y patangta: yan y rayta iyon Ayo na Santos guiya Israel.

¹⁹Ayonae unsangan gui guinigüife gui mañantosmo, ya ilegmo: guajo jupolo y inayuda gui jilo y uno ni y matatnga: yan junacajulo y uno na y maayeg gui taotao.

²⁰Jusoda si David na tentagojo; ya jupalae güe nu y santos na lañajo.

²¹Guiya y canaejo munafitme: yan y canaejoja locue munametgot güe:

²²Ya y enimigo taeinamot guiya güiya: ni y lajin y manaelaye ti umanalamen güe.

²³Sa bae juyute papa y contrarioña gui menaña yan jucastiga ayo sija y chumatlie güe.

²⁴Lao y minagajetto yan y minaasejo usaga guiya güiya: yan pot y naanjo na umanacajulo y canggelonña.

²⁵Ya bae jupolo y canaeña locue gui jalom tase, yan y agapa na canaeña gui jalom sadog.

²⁶Sa güiya umalog ni guajo: Jago y tatajo, Yuusso, yan y acho gui satbasionjo.

²⁷Bae jupolo güe locue pot finenana na finañagujo, mas taquiloña qui y ray sija gui tano.

²⁸Y minaasejo bae juadaje pot güiya para taejinecog, yan y tratujo ufitme guiya güiya.

²⁹Y semiyaña locue junasaga para ugaegue taejinecog, yan y tronuña taegüije y jaanen y langet.

³⁰Yaguin famaguonña dumingo y tinagojo, yan ti manmamomocat gui juisioco,

³¹Yaguin maquebranta y layjo yan ti maadaje y tinagojo;

³²Ayo nae jufatoegüe gui inaguaguatñija yan y bara, ya jusaulag gui tinaelayeñija.

³³Lao y minaasejo ti junajanao todo guiya güiya: ya ti jupolo na ufatta y minagajetto.

³⁴Y tratujo ti juquebranta ni jutolaeca y sinanganjo ni jumuyong gui labiosso.

³⁵Un biajeja jufanjula pot y sinantosso ya ti judague si David.

³⁶Y semiyaña gagaegue para taejinecog, yan y tronuña taegüijeja y atdao gui menajo.

³⁷Ya maplanta para taejinecog taegüije y pilan, ya taegüije y gosmagajet na testigo gui langet. Sila.

³⁸Lao jago jagasja unyute yan unrechasa, jago jagasja lalalojao ni y pinalaemo.

³⁹Sa unchatlie y traton y tentagomo; ya unnaale y coronaña asta papa gui jilo oda.

⁴⁰Unyamag papa todo y quelatña; yan unyulang y minetgot na castiyaña.

⁴¹Ya todo y manmalolofan gui ayo na chalan mayuteñaeñaejon: güiya manamamamajlao ni y tiguangña.

⁴²Jago jumatsa julo y agapa na canae y contrariuña sija; yan jago munafanmagof todo y enimiguña.

⁴³Magajet na jago locue bumira y filon y espadaña, ya ti unnafitme güe gui guera.

⁴⁴Jago jagasja munabasta y minalagña, yan unyute y tronuña papa gui jilo oda.

⁴⁵Ya y jaanen y pinatgonña jago jagasja munacadada: jago jagasja tumampe güe ni y minamajlao. Sila.

⁴⁶Asta ngaean, O Jeova, ada unatogjao para taejinecog? Asta ngaean ufañila y binibumo taagüije y guafe?

⁴⁷O, jaso na quinadada y tiempoco esta: pot jafa na taesetbe jagas unfatinas todo y famaguan taotao?

⁴⁸Jaye na taotao enao y lalâlâ ya ti ulie finatae, ni y ujanalibre y antiña gui ninasiñan y naftan? Sila.

⁴⁹Jeova, mangue y minaasemo sija ni y ampmam, ni y jinilamo as David gui minagajetmo?

⁵⁰Jaso, Jeova, y minamajlao y tentagomo sija: ni y jucatgaja gui jalom pechoco, y minamamajlao y taotao todo ni y matatnga:

⁵¹Ni y enimigumo mannanamamajlao, O Jeova: ni y enimigumo munamamajlao y pinecat y pinalaemo.