Y Salmo Sija 83:4-14

⁴Sa guinin ilegñija: Maela, ya nije tautut sija ni y guinin y nasion; para y naan Israel munga majaso mas.

⁵Sa sija manafaesen entre sija ni y unoja corason; ya managogüe contra jago.

⁶Y tiendan Edom yan Ismaelita sija: Moab yan Agareno sija.

⁷Gebal yan Ammon yan Amaleg; Filistia yan y mañasaga guiya Tiro.

⁸Asur locue mandaña yan sija: sa maninayuda ni y famaguon Lot. Sila.

⁹Fatinas guiya sija taegüije unfatinas iya Madian yan taegüije iya Sisara taegüije iya Jabin jijot gui sadog Sison:

¹⁰Ni y manmalingo guiya Endor: manjuyong manaegüije y estiecot para y tano.

¹¹Fatinas y magasñija ya parejo yan Oreb yan Seeb; magajet na todo y prinsipeñija parejo yan Sebah yan Salmuna:

¹²Ni y ilegñija: Nije jitaja tachule y sagayan para iyotaja.

¹³O Yuusso, fatinas sija ya ufanparejo yan y petbos ni y remolílino; parejo yan y ngasan trigo gui menan y manglo;

¹⁴Taegüije y guafe anae jasonggue y jalomtano, yan taegüije y mañila anae finaliñagüe y sabana.