Y Salmo Sija 7:1-16

¹O Jeova, Yuusso, yya jago nae gaegue y inangococo: Satbayo todo gui pumetsisigue yo, ya nalibre yo.

²Para chaña pumedasitos y antijo taegüije y leon, ni jayulang, anae taya jaye uninalibre.

³O Jeova, Yuusso, yaguin jufatinas este: yaguin guaja gui canaejo taelaye;

⁴Yan juapase taelaye y sumaga guiya guajo yan pas, (magajet na junalibre y pumetsisigue yo pot taya causa:)

⁵Japetsisigue y enimigujo y antijo, ya jachule; magajet, na jagacha gui tano y jaanijo: ya y onraco japolo gui eda. Sila.

⁶Cajulo, O Jeova, yan y linalalomo; jatsa namaesa contra y binibon y munachachatsagayo: ya magmata pot guajo untago y sentensia.

⁷Polo ya y inetnon taotao unineriyaye jao: ya gui san jiloñija natalo jao guato gui san jilo.

⁸Si Jeova jajusga y taotao: jusgayo, O Jeova, taemanoja y tininasso: taemanoja y minaulegmo ni y gaegue guiya guajo.

⁹Polo ya ujocog y taelayen manaelaye, lao nafitme y manunas: sa si Yuus, ni tinas, jachachague y corason yan y jinaso gui sanjalom.

¹⁰Y patangjo gaegue gui as Yuus, güiya munalibre y manunas gui corason.

¹¹Si Yuus y tinas na jues: magajet na si Yuus lalalalo todo na jaane.

¹²Yaguin y taotao ti jabira güe, güiya janamalagtos y espadaña: janaregla y atcosña ya janalisto.

¹³Ya jafatinas para güiya y atmas y finatae: janafañila y flechaña.

¹⁴Estagüe na uguaja piniten mañago tinaelaye: magajet na mapotgue y inacacha ya mañago dinague.

¹⁵Jaguadog y tipo, ya janatadong: ya esta podong gui joyo na y finatinasñaja.

¹⁶Polo ya y inacachaña ubira güi jilo y iluña: ya y binibuña upodong gui jilo cácagongña.