Y Salmo Sija 74:9-20

⁹Ti talie y señatta sija: ya taya ni uno profeta mas: ni uguaja sija ni utiningo asta ngaean.

¹⁰Asta ngaean, O Yuus, nae y contrario ulalatde? ya y enimigo ufañatfino contra y naanmo para taejinecog?

¹¹Sajafa na unjedo y canaemo, junggan y agapa na canaemo? jala juyong gui pechomo ya unyulang.

¹²Sa si Yuus y Rayjo gui ampmam na tiempo, jafatitinas y satbasion gui entalo y tano.

¹³Jago dumibide y tase ni y ninasiñamo: jago yumamag y ilon y alo sija gui tase.

¹⁴Jago yumamag y ilon lebiatan, ni y dadao na güijan, an pidasito; yan unnae güe para nengcano y taotao ni y mañasaga gui desierto.

¹⁵Jago bumaba y matan janom yan y minilalag: jago munafananglo y manmetgot na sadog sija.

¹⁶Y jaane iyomo, y puenge locue iyomo: jago fumamauleg y inina yan y atdao.

¹⁷Jago pumolo todo y oriyan y tano: jago fumatinas y tiempon maepe yan y tiempom manengjeng.

¹⁸Jaso este, na y enimigo manmalalatde, O Jeova, ya ayo y mangaduco na taotao jachatfino y naanmo.

¹⁹O, chamo umintrerega y anten y gamo paluma gui dadao na gâgâ: chamo malelefa ni y dinaña y mamoblemo para taejinecog.

²⁰Respeta y trato: sa y jemjom na sagayan sija gui tano manbula y sagan y manmalamaña.