Y Salmo Sija 66:3-16

³Alog as Yuus: jafa na manámaañao y chechomo: pot y dinangculon y ninasiñamo uninaseja y contrarionmo papa.

⁴Todo y tano umadodorajao yan macantatayejao: yan macantataye y naanmo. Sila.

⁵Maela ya inlie y checho Yuus: na ninámaañao y chechoña gui jilo y famaguon y taotao.

⁶Jatolaeca y tase y anglo na tano: ya japocacate y sadog: ya ayo nae manmagofjam nu güiya.

⁷Güiya jagobiebietna ni y minetgotña para taejinecog: y atadogña pumupulan y nasion sija: ya munga y managuaguat na ujajatsa sija. Sila.

⁸Fanmanbendise ni y Yuusta jamyo ni y taotao ya namajungog y inagang y tininaña:

⁹Ayo y mumantiene y antita gui linâlâ: ya ti japolo y adengta na usulong.

¹⁰Sa jago chumaguejam, O Yuus; jagasja unchague jam taegüije y salape an machague.

¹¹Jago chumulejam gui jalom y laso: unpolo chinatsaga na catga gui sinturanmame.

¹²Jago namaudae y taotao guijilomame: jame infaposgüe y guafe an y janom: lao unchulejam asta y jalom y rico na sagayan.

¹³Jujalom gui jalom guimamo yan y sinenggue na inefrese sija: ya bae juapase jao ni y promesajo,

¹⁴Ni y labiosso sumangan, yan y pachotto jagas cumuentos anae estabayo gui chinatsaga.

¹⁵Bae junaejao sinenggue na inefrese ni y yemog yan paopao na tatneron quinilo: bae junaejao nobiyo yan chiba sija. Sila.

¹⁶Maela ya injingong, todo ayo y manmañao as Yuus, ya bae jusangane jamyo jafa finatinasña ni y antijo.