Y Salmo Sija 60:1-11

¹O Yuus, jago yumutejam, jago gumapotjam papa; guinin lalalojao; O, natalojam guato.

²Jago jagasja munamayengyong y tano; jago yumulang; nafanjomlo y yinilangña sija, sa manmayeyengyong.

³Unfanue y taotaomo sija ni y manmajetog na güinaja; unnafanguimenjam ni y binon na matulalaejon.

⁴Unnae ayo sija ni y manmaañao nu jago, un bandera para ujatsa pot y minagajet. Sila.

⁵Sa para ufanlibre y güinaeyamo; satba ni y agapa na canaemo, yan opejam.

⁶Si Yuus sumangan y sinantosña; siempre jumagof; ya siempre judibide iya Siquem, ya jumide y bayen Sucot.

⁷Iyoco Galaad, ya iyoco Manases: Efraim y guinegüe y ilujo; Juda y baston minagasso.

⁸Moab, y palanggana para jufagagaseyo; y jilo Edom nae juyute y sapatosso: Filistia, agangjao pot guajo.

⁹Jaye uchinileyo guato gui fitme na siuda? jaye uesgaejonyo guato Edom?

¹⁰Mungajao, O Yuus, ni y guinin yumutejam? yan jago, O Yuus, ti jumanao yan y inetnon sendalonmame.

¹¹Naejam inayuda contra y contrario gui chinatsaga; sa taebale y inayudan taotao.