Y Salmo Sija 46:1-11

¹SI Yuus, güiya y guinegüeta yan y minetgotta, enseguidas manayuda gui chinatsaga.

²Enaomina mungajit manmaañao, achogaja ucalamten y tano, yan y egso umachule asta y talo gui tase sija;

³Achogaja manapangpang y janom ya chatsaga; achogaja umayeyengyong y egso sija, pot causa y minatatgaña. Sila.

⁴Ayogüeja y sadog yan y minilalagña sija janamamagof y siuda Yuus; y santos na sagan y tabetnaculo guiya Gueftaquilo.

⁵Si Yuus gaegue gui entaloña; ti ucalamten; si Yuus uinayuda y ininan y egaan.

⁶Manlalalo y nasion sija, ya mangalamten y raeno sija; umagang, ya maderite y tano.

⁷Manjijita yan y Señot y inetnon sendalo. Y Yuus Jacob, güiya y guinegüeta. Sila.

⁸Maela ya inlie y checho Jeova; Jafa na yinilang jafatinas gui jilo tano?

⁹Güiya munabasta y guera, asta y uttimon y tano; jayulang y atcos, ya jautut y lansa; güiya sumonggue y caretan guera gui guafe.

¹⁰Quieto, ya untungo na guajo si Yuus: jutaquilo gui entalo y nasion sija, jutaquilo gui tano.

¹¹Manjijita yan y Señot y inetnon sendalo. Y Yuus Jacob, güiya y guinegüeta. Sila.