Y Salmo Sija 45:6-15

⁶Y tronumo taejinecog, yan taejinecog, O Yuus: y bariyan y raenomo, tunas na bariya.

⁷Unguaeya y tininas, ya unchatlie y tinaelaye; enaomina si Yuus ni y Yuusmo, pinalaejao ni y lañan minagof, mas qui y mangachongmo.

⁸Todo y magagumo mamaopao ni y mira, yan y chaguan na jajatot, yan y casia; manjuyong gui palasyon matfit, anae guinatbon musica manamagofjao.

⁹Y jaga sija y ray, mangaegue gui entalo y manonrada na famalaoanmo; ya y rayna matátachong gui agapamo yan y magaguña y oron Ofir.

¹⁰Jungog O jaga, jaso ya tecon y talangamo; ya unmalefa ni y mañataotaomo, yan y guima tatamo.

¹¹Ya ugosmalago y ray ni y bonitamo; sa güiya y Señotmo yanguin unadora güe.

¹²Ya y jagan Tiro yan y ninae ugaegue güije; asta y manrico gui entalo y taotao unmagaogao ni y fabotmo.

¹³Y jagan y ray, gui palasyo gosbonita güe: y magaguña maadotna ni y oro.

¹⁴Macone guato gui as ray, yan y magaguña ni y mabotda: y bitgen sija mangachongña ni y tumattitiye, sija unquinenie guato.

¹⁵Sija machulilie guato yan minagof yan alegria: ufanjalom gui palasyon y ray.