Y Salmo Sija 37:1-7

¹CHAMO umestotban mamaesa jao ni y chumogüe daño, ni unguaja embidia, ni y fumatitinas y taelaye.

²Sa ufanmautut guse taegüijeja y chaguan, ya ufanmalayo taegüije y chaguan betde.

³Angocojao as Jeova, ya fatinas y mauleg: saga gui tano ya unchogüe minauleg.

⁴Magofjao as Jeova: ya güiya unninae ni guinagao y corasonmo.

⁵Bira y chalanmo para as Jeova: ya angocogüe locue, ya güiya unajuyong este.

⁶Ya janajanao y tininasmo taegüije y manana: ya y juisiomo taegüije y taloane.

⁷Quieto jao as Jeova, ya nanggagüe nu y siningon: chamo umestotban mamaesa jao ni y mumegae, gui chalanña ni y taotao ni fumatitinas y dinague.