Y Salmo Sija 145:1-14

¹Y Salmon Alabansa; iyon David. JUNADANGCULO jao Yuusso, O Ray; jubendise y naanmo para taejinecog yan taejinecog.

²Cada jaane jubendise jao; ya bae jualaba y naanmo para taejinecog yan taejinecog.

³Dangculo si Jeova, ya sumendangculo para umaalaba; ya y dinangculoña ti comprediyon.

⁴Un generasion ualaba y chechomo gui otro generasion, yan ujadeclara y matatnga na finatinasmo sija.

⁵Jujajaso ni y minalag na minagas y inenramo, yan y mannamanman y chechomo.

⁶Ya y taotao sija ujasangan y ninasiñan y namaañao na finatinasmo sija; ya guajo bae judeclara y dinangculomo.

⁷Ujasangan y majason dinangculon y minaulegmo, ya ufanganta ni y tininasmo.

⁸Si Jeova, cariñosogüe, yan bula minaase; ñateng para ulalalo, ya dangculo minaaseña.

⁹Si Jeova mauleg para todo: ya y cariñoso na minaaseña gui jilo todo y chechoña.

¹⁰Todo y chechomo uninalaba jao, O Jeova; ya y mañantosmo unmabendise jao.

¹¹Ujasangan y minalag y raenomo, yan ufanguentos ni y ninasiñamo.

¹²Para ujanamatungo y matatnga na finatinasña sija gui lalajen taotao, yan y minalag y minagasña gui raenoña.

¹³Y raenomo, taejinecog na raeno, ya y gobietnomo gagaegueja para todo y generasion.

¹⁴Si Jeova mumantiene todo ayo sija y mamodong, yan jajatsa todo ayo y manetecon.