Y Salmo Sija 124:1-8

¹Y Cantan Quinajulo; iyon David. YANGUIN si Jeova ti guinin estaba gui bandata, pago Israel ualog;

²Yanguin si Jeova ti guinin estaba gui bandata, anae y taotao sija mangajulo contra jita:

³Ayo nae japañotjit lalâlâ, yanguin mangosbubu contra jita.

⁴Ayo nae janafanmachuchudajit y janom, yan y diquique na sadog malofan gui jilo y antita:

⁵Ayo nae y mansobetbio na janom manmalofan gui jilo y antita.

⁶Dichoso si Jeova, sa ti mannae nu jita para güinaja y nifenñija.

⁷Y antijo umescapa taegüije y pajaro yan umescapa güe gui lason y tiradot: magtos y laso, ya manescapajam.

⁸Y naan Jeova umayuyudajam, ni y fumatinas y langet yan y tano.