YƐSÃÃ 94:7-12

⁷Kɛ nɑ́ɑ́ nkɛ tú: Ti Yiɛ̀ nKuyie nyí wúó, ti Yiɛ̀ nKuyie nSɑkɔbu do tũ nkù í dɑkɛ.

⁸Díndi tiyɛìntì dɔɔ̀nɛ̀ mɛyɔɔ̀mmɛ̀. Tidìɛ̀ntì díndi dɛ̀ yó nkɑ̃́ɑ̃́kɛ́ dɛ kɛ̀ di mɔɔtɛ mɛyɛ̀mmɛ̀?

⁹Kuyie nkùù ɑ̃nnɛ́ onìtì yɛto, kù bo yĩɛ̃kɛ kù bo keèmɑ̀ɑ̀? Kunku kùù ɑ̃nnɛ́ onìtì inuɔ kù bo yĩɛ̃kɛ kù bo yɑ̀mɑ̀ɑ̀?

¹⁰Kunku kùù tiè nyɛbotɛ̀ kù bɑ́ɑ́ nɑ kɛ́ bɛ̀ potɑ́ɑ̀? Kuù í duɔ̀ mbɛnìtìbɛ̀ mɛciìnɑ̀ɑ̀?

¹¹Ti Yiɛ̀ nKuyie nyɛ̃́mu onìtì kó iyɛǹtotí, kù yɛ̃́mu ì tumɛ̀ kuyɑɑkù.

¹²Dɛ̀ nnɑɑti onìtì ti Yiɛ̀ nKuyie ntié nwè, kù ciìkùnko wè nɛ̀ ku kuɔ́.