YƐSÃÃ 90:8-14

⁸A wúómmu ti cɑɑ̀rìmɛ̀, ɑ kó kuwenniku mímu ti kó yɛsɔ̀rɛ̀ yɛmɔu.

⁹A miɛkɛ kɛɛ̀ ti yɛ̀ kɑ̀ɑ yɑ̀ɑ̀ri ti we, kòo nìtì ɔ̃ nyóó wei mɛ̀mɑ́ɑ̀ kòo fòmmu pɑ̃̀nkɛ deè.

¹⁰Ti fòmmu kó yɛwe í pɛ̃nkù yɛbie nsipísìyiekɛ̀, bɛkperíbɛ̀ bɛɛ̀ tùɔ̀kù yɛbie nsipísìni, dɛ kó yɛwe miɛkɛ yɛsṹkùyɛ̀ tu mutɔ̃mmú kpɛyɛ nyɛ nɛ̀ tihɔ̀ùtì nɛ̀ mɛsémmɛ̀, mufòmmu pɛ̃nkɛ́mu kɛ̀ ti kérí mukṹṹ mbíɛ́kɛ̀.

¹¹We nyɛ̃́ ɑ miɛkɛ kó kuyonku mɑmɛ̀ kɛ nɑ kɛ́ ndɑ dé? We mbo nɑ kɛ́yĩ́ɛ̃́tɛ́ ɑ miɛkɛ cɔ́ú nkɛ mɑmɛ̀?

¹²Ti bɛnkɛ ti we mɑ̀mɛ̀, kɛ̀ ti nɑ kɛ́mɔɔtɛ mɛyɛ̀mmɛ̀.

¹³Ti Yiɛ̀ nKuyie, dɛ̀ yó nkɑ̃́ɑ̃́kɛ́ dɛ kɑ̀ɑ wɛ̃tɛní ti bíɛ́kɛ̀? Ti kuɔ́ mmɛsémmɛ̀ tínti ɑ kó bɛtɔ̃mbɛ̀.

¹⁴Cṹũnní ɑ kó mɛsɑ̀ɑ̀ mmɛdiɛ̀ pìkɛ dikṹnweńnì, kɛ̀ ti nyɑ̃nku nɛ̀ diwɛ̀ì ti fòmmu mumɔu miɛkɛ.