YƐSÃÃ 88:12-17

¹²Bɛ̀ɛ̀ bo difɔ̃̀tìrì miɛkɛ bɛ̀ nɑ̀ɑ́ nhɑ kó mɛsɑ̀ɑ̀ nkpɛ́ínɑ́ɑ̀? Yɑ́ɑ̀ bɛ̀ɛ̀ duɔ́ kudɔnkù bɛ̀ bo nɑ́kɛ́ ɑ túmɛ̀ timɔ́mmɔnti yiɛ̀?

¹³Bɛ̀ɛ̀ bo dibiìnnì miɛkɛ bɛ̀ bo bɑntɛ́ ɑ kó tidiɛtɑ̀ɑ̀? Wèè tɑ kudɔmbìùkù ò bo nɑ kɛ́bɑntɛ́ ɑ wetímɑ̀ɑ̀?

¹⁴N Yiɛ̀ nKuyie m búɔ́ fɔ̃́ nwe kɛ dɑ kuɔ̀nnɛ̀, bɑ́ dìì kṹnweńnì kɛ̀ m bɑ́ɑmmu tùɔ̀kɛmu ɑ borɛ̀.

¹⁵Dɛ̀ yĩ́mɛ n Yiɛ̀ nKuyie nkɑ̀ɑ n yetɛ, bɑ nte kɑ̀ɑ í dɔ́ n dɑ yɑ̀.

¹⁶N tú osénnìwè nwe nɛ̀ m bɛmmɛ̀, n yí dɛ́tirìnɛ̀ mukṹṹ, ɑ donnɛ́ n kɔ̃m̀bùɔ̀tì nti, n tɛ̃́nkɛ í yɛ̃́ m bo tìì miɛkɛ.

¹⁷A miɛkɛ kɛɛ̀ n cɔ̀útɛ́ kɛ n tùɔ, ɑ yɛ̃ĩti tiì n sũ̀ṹ n kɛ̀ n yĩɛ̃kɛ tinɑ́ɑǹtì.