YƐSÃÃ 86:3-14

³N Yiɛ̀ nKuyie nhɑ́ n kuɔ́ mmɛsémmɛ̀, n tṹṹ nkɛ kuɔ̀nnɛ̀ fɔ̃́ nwe.

⁴Nɑ́ríkùnnɛ n yɛ̀mmɛ̀ mí nhɑ kóo tɔ̃ntì, n Yiɛ̀ nKuyie m búɔ́ fɔ̃́ nwe.

⁵N Yiɛ̀ nKuyie nhɑ sɑ̀mu kɛ cĩ́ɛ̃́mmu, kɛ kuɔ̀ mmɛsémmɛ̀ mɛdiɛ̀ mbɛ̀ɛ̀ dɑ kuɔ̀nnɛ̀.

⁶N Yiɛ̀ nKuyie nkéntɛ́ m bɑ́ɑmmu, kéntɛ́ n dɑbònnì n dɑ kuɔ̀nnɛ̀ dì.

⁷Kɛ̀ mɛyɛǹcɑɑ̀rìmɛ̀ n sɔ̃̀ńkɛ́ nh ɔ̃ɔ̃ kuɔ́nnɛ̀ fɔ̃́ nwe, kɑ̀ɑ n keènɛ̀.

⁸Dibɔɔ̀ mɑrì í dɑ dònnɛ̀, fɔ̃́ nti Yiɛ̀ nKuyie, òmɔù bɑ́ɑ́ nɑ kɛ́dɔɔ̀ ɑ dɔɔri dɛ̀.

⁹Fɔ̃́ɔ̃̀ dɔ̀ɔ̀ yɛbotɛ̀ yɛmɔu, yɛ̀ kɔ̀rinímu kɛ bo nínkú fɔ̃́ nti Yiɛ̀ nKuyie nhɑ ììkɛ̀, kɛ́dɛ́úkùnnɛ ɑ yètìrì.

¹⁰Kɛ yɛ̃́ ɑ dɛumɛ̀ kɛ dɔɔri tidiɛtì, fɔ̃́ɔ̃̀ mɑ́ɑ̀ tu Kuyie.

¹¹N Yiɛ̀ nKuyie m bɛnkɛ ɑ cɛ kɛ̀ nni ntũ nhɑ kó timɔ́mmɔnti, yɔkùnnɛ n yɛ̀mmɛ̀ kɛ̀ nní dɑ dé.

¹²N Yiɛ̀ nKuyie n yó ndɑ sɑ̃ntímu nɛ̀ n yɛ̀mmɛ̀ mɛmɔu, n yó ndɛ́úkùnkomu ɑ yètìrì sɑ̃́ɑ̃̀.

¹³Kɛ yɛ̃́ ɑ sɑ̀ɑ̀ ndɛumɛ̀ n yĩ́nkɛ̀, kɑ̀ɑ dɛɛtɛ́ n wɛ̃nnì kɛ́ n dennɛní kudɔnkù.

¹⁴Kuyie, sipɔɔ yɛmbɛ̀ bɛɛ̀ n dintɛ́, bɛnitiyonkubɛ bɛɛ̀ m munnɛ́ kɛ bo n kuɔ bɑ́ bɛ̀ í dɑkɛ ɑ kpɛ́í.