Text copied!
CopyCompare
Bibiri Kuyie Nnɑ́ɑǹtì Pɑ́tíri - YƐSÃÃ - YƐSÃÃ 78

YƐSÃÃ 78:1-13

Help us?
Click on verse(s) to share them!
1Asɑfu yɛ̀nfɛ̀. Díndi n nìtìbɛ̀ kéntɛ́nɛ̀ n tié. Kéntɛ́nɛ̀ mɛsɑ̀ɑ̀ nkɛ́keè n tú mù.
2N dɔ́ kɛ di onnimu, m bo di nɑ́kɛ́ nɛ̀ yɛnɑ́ɑnhɑ̃ntíyɛ̀ dɛ̀ɛ̀ do dɔ̀ɔ̀ nɛ̀ dimɔ̀nnì.
3Ti kèè tì kɛ ti yɛ̃́, ti yɛmbɛ̀ ti tùo ntì.
4Ti bɑ́ɑ́ tì sɔ̀nnɛ ti bí, ti yóó ti tùòmmu ti yɑɑ̀bí, Ti Yiɛ̀ nKuyie nkó disɑ̃nni nɛ̀ ku kó muwɛ̃rímú, nɛ̀ tidiɛtì kù dɔ̀ɔ̀ tì.
5Kuù dɔúnnɛ̀ Sɑkɔbu yɑɑ̀bí ku tié, kuù duɔ́ nku kuɔ́ Isidɑyɛɛribɛ, kɛ nɑ̀kɛ́ ti yɛmbɛ̀ kɛ tú bɛ̀ɛ tì tié mbɛ bí.
6Kɛ̀ dɛ̀ɛ yie nkɛ̀ kutɔ̃nkù kùù tũ̀nní kɛ̀ kù ntì yɛ̃́, ibí bɛ̀ bo piɛ́ ì kɛ̀ ìi tì tùo nyi kó ibí.
7Kɛ̀ dɛ̀ɛ yie nkɛ̀ bɛ̀ mbúɔ́ Kuyie, kɛ bɑ́ɑ́ yɛ̃̀ nku tɔ̃mmú, bɛ̀ ntũ nku tɑnnɔ̀.
8Kɛ bɑ́ ndònnɛ̀ bɛ yɛmbɛ̀ kɛ̀ bɛ to nkpeńnì, kɛ̀ bɛ̀ nyetírí Kuyie nkpɛti, kɛ́ntú bɛ̀ɛ̀ yɛ̀mmɛ̀ í fííkú, bɛ̀ɛ̀ í tũ Kuyie nsɛ́i.
9Efɑdɑimmu kɔbɛ tú bɛtɑ̃nnuɔmbɛ mbɛ, kɛ kũ̀ńnɛ́ mudoò kɛ bùtínnɛ́ kɛ cokɛ́.
10Bɛ̀ í yie nkɛ pĩ́ mmɛtɑummɛ̀ Kuyie mbɛ̀ dɔ̀ɔ̀nɛ̀ mɛ̀, bɛ̀ í yie nkɛ tũ̀nnɛ ku kuɔ́.
11Kɛ yɛ̃̀ mmutɔ̃ndiɛmù kù do dɔ̀ɔ̀ mù, bɛ̀ do yɑ̀ tìì diɛtì kó dimɑ̀ɑ̀.
12Kuyie ndo dɔ̀ɔ̀mu tidiɛtì bɛ yɛmbɛ̀ nuɔ mmiɛkɛ, Esibiti tenkɛ̀ Soɑ̃ɑ̃ tempɛ̃ miɛkɛ.
13Kuù do kèétɛ́ dɑ̀mɛ́ɛ̀rì kɛ̀ bɛ̀ɛ séntɛ́, kɛ̀ mɛniɛ ncómmú kɛ́ndò nkuduotí.

Read YƐSÃÃ 78YƐSÃÃ 78
Compare YƐSÃÃ 78:1-13YƐSÃÃ 78:1-13