YƐSÃÃ 75:2-10

²Kuyie nti dɛ́úkùnko fɔ̃́ nwe, ɑ yètìrì í yiɛ̀ ti nɔ̀ miɛkɛ, ti nɑ́ɑ́mmu ɑ dɔ̀ɔ̀ mùù tɔ̃ndiɛmù.

³Kɛ̀ Kuyie mbɛ́i nkɛ dɔ̀: Mí nKuyie, kɛ̀ m mɔ̀nnì tùɔ̀kɛ, n yó mbekù kɛ̀ dɛ̀ sìɛ́mu.

⁴Kɛtenkɛ̀ sɑ̃̀ntimu nɛ̀ kɛ nìtìbɛ̀, mí nKuyie míì fìí nkɛtenkɛ̀ sɑ̃ǹkɛ̀.

⁵N nɑ̀kɛ́mu sipɔɔ yɛmbɛ̀ kɛ tú bɛ̀ bɑ́ mmɔkɛ sipɔɔ, kɛ nɑ̀kɛ́ bɛyɛibɛ kɛ tú bɛ̀ɛ yóu sifeí.

⁶Kɛ bɑ́ nhéunko bɛ yɔ, bɛ̀ bɑ́ nnɑ́ɑ́ ntipocɛ̃mmúnɑ́ɑǹtì.

⁷Dɛ̀ í bonní diyiè yìɛ̀ní kɛ̀ɛ̀ bíɛ́kɛ̀ yoo diyiè tɑɑ̀ kɛ̀ɛ̀ bíɛ́kɛ̀, dɛ̀ mɛ nyí bonní dikpɑ́ɑ̀ yoo yɛtɑ̃rɛ̀ ĩ́nkɛ̀.

⁸Dɛ̀ bonní Kuyie mborɛ̀ ndɛ̀, kùù bekùnɛ̀ bɛnìtìbɛ̀ kuù ɔ̃ɔ̃ kɛ̃́kùnnɛ yie nkɛ́dɛ́úkùnnɛ otɔù.

⁹Ti Yiɛ̀ nKuyie mpikú fɛbòòfɛ̀ nfɛ, nɛ̀ ku miɛkɛ kó mɛnɑɑ̀ nkperímɛ̀ kù kɔnnɛ́mɛ̀, kɛ̀ yóó mɛ̀ yɑutɛ́ bɛnitidɔnnibɛ̀ bɛmɔu, kɛ̀ bɛ̀ɛ mɛ̀ yɑ̃̀ kɛ́kúótóo nɛ̀ dɛfũ̀ɔ̃̀ kpɛrɛ.

¹⁰Mí nyó mpĩɛ̃kùmu sɑ̃́ɑ̃̀ ku yètìrì, n yó ndièmmu kɛ sɑ̃ntí Kuyie Sɑkɔbu do tũ nkù.