YƐSÃÃ 73:14-24

¹⁴Kɛ̀ bɛ̀ ɔ̃ ntṹṹ nkɛ m puotì, kɛ n kɔ̃mmù bɑ́ dìì kṹnweńnì.

¹⁵Kɛ̀ n do tú m bo nnɑ́ɑ́ mbɛ̀ nɑ̀ɑ́ mmɛ̀ɛ̀ botí, n nɑ nsoutɛ́ ɑ kɔbɛ yɑɑ̀bí nyi.

¹⁶N totí n yɛ̀mmɛ̀ kɛ bo bɑntɛ́ dɛ kó tinɑ́ɑǹtì, kɛ̀ ti bɑntímù n yonkɛnɛ̀mu.

¹⁷N tɑ dìì yiè ndi Kuyie ncĩ́ɛ̃̀tɛ̀, m bɑntɛ́mɛ̀ tìì bɛ̀ bɑ̀ɑ.

¹⁸A mɛ̀nkɛ bɛ̀ còńnɛ́ dɛ̀ɛ̀ ɑnni dɛ̀ndɛ, kɛ bo bɛ̀ tèntɛ kɛ̀ bɛ̀ɛ do difɔ̃̀tìrì miɛkɛ.

¹⁹Dɛndɛ bɑ̀mbɑ̀ nkɛ̀ bɛ kpɛrɛɛ deè, kɛ̀ bɛ kpɛrɛɛ mɔɔtɛ kukɔ̃m̀bɔ̀doróo.

²⁰Ti Yiɛ̀ nKuyie nkɑ̀ɑ ìtɛ́ ɑ tɔ̃mmú bɛ kpɛrɛ yóó dèèmu, tidɔùntì ɔ̃ɔ̃ pɛ̃ɛ̃tɛ́ mɛ̀ɛ̀ botí ɑ èntɛ dìì mɔ̀nnì.

²¹Mɛyɛǹcɑɑ̀rìmɛ̀ do nh ɑutɛ́ dìì mɔ̀nnì, kɛ̀ dɛ̀ n yonkɛ kɛ́ n tɑ mɛdiɛ̀ mmɛ.

²²N yí nciì, n yí bɑnní dɛ̀mɑrɛ̀, n do dò nfɛɔ̃̀fɛ̀ nfɛ ɑ ììkɛ̀.

²³Nɛ̀ mɛmmɛ kɛ́ ndɑ bonɛ̀ sɑ̃́ɑ̃̀, kɑ̀ɑ m pĩ́ nhɑ nɔ̀ùtɛ̀ youtɛ.

²⁴Fɔ̃́ɔ̃̀ yó n niitɛ́ ɑ tɑ̃ɑ̃tɛ́ tì n kpɛ́í nti miɛkɛ, kɛ́ n tɑnnɛ́ ɑ kpetì miɛkɛ.