YƐSÃÃ 72:14-19

¹⁴Weè yóó bɛ̀ dɛɛtɛ́ nɛ̀ mɛfɛ̃́ṹtímɛ̀ nɛ̀ bɛnitiyonkubɛ, kɛ yɛ̃́ ò wùómmɛ̀ bɛ fòmmu dɛ̀mɑrɛ̀ diɛrɛ̀.

¹⁵Kòo kpɑ̀ɑ̀tì mbo kɛ̀ bɛ̀ nhò pɑ̃ɑ̃ mmɛsɔɔ nSebɑɑ kɔ̃mɛ, kɛ níí ntṹṹ nkɛ bɑ́ɑ́ nKuyie nho kpɛ́í kɛ̀ kùu ò dɔ̀ɔ̀ mɛsɑ̀ɑ̀.

¹⁶Kɛ̀ tidiitì mbo dihɛì kɛ sũ, kɛ̀ yɛtɑ̃rɛ̀ ĩ́nkɛ̀ nyuu ntidiitì Dimɑɑ tie nkó yɛbɛ kɔ̃mɛ, kɛ̀ bɛnìtìbɛ̀ɛ pitɛ́ dihɛì timútì kɔ̃mɛ.

¹⁷Dɛ kóo kpɑ̀ɑ̀tì yètìrì mbo sɑ̃́ɑ̃̀, kɛ́mbo sɑ̃́ɑ̃̀ diyiè bo mɛ̀ɛ̀ botí, kɛ̀ bɛnìtìbɛ̀ nyu o yètìrì kɛ pɑ̃ɑ̃ mbɛtɔbɛ̀ mɛsɑ̀ɑ̀, kɛ̀ yɛbotɛ̀ ntú: Dɛ̀ nnɑɑti okpɑ̀ɑ̀tì.

¹⁸Ti Yiɛ̀ nKuyie nyIsidɑyɛɛribɛ tũ nkù, kuù dɔɔri tidiɛtì kumɑ́ɑ̀, ku yètìrì ndɛu.

¹⁹Ku yètìrì ndɛu sɑ̃́ɑ̃̀, kɛ̀ ku kpetìi píɛ nkɛtenkɛ̀ kɛmɔu, kɛ̀ dɛ̀ mmɛ ndò. Ami!