YƐSÃÃ 69:19-26

¹⁹Kɔtɛní kɛ́dontɛ́ nh ɔ̃nnì, n dɛɛtɛ́nɛ̀ n dootitɔbɛ̀.

²⁰A wúómmu bɛ̀ n sɑ̃̀ɑ̃́mmɛ̀, kɛ yɛ̃́ n yo nyìì fɛi kɛ kɛ̃kɛ, n dootitɔbɛ̀ í dɑ sɔrìnɛ̀.

²¹Yɛsɑ̃́ɑ̃̀mbɛ̀ yɛɛ̀ kɔ̀ùrì n yɛ̀mmɛ̀ kɛ̀ m mɔ, n wɑnti wèè bo n kuɔ́ nwè nwe mɛsémmɛ̀ bɑ́ sɑ́m̀pɔ́ kɛ mɔ̀ńtɛ́, wèè bo m bɑ́ntɛ̀ ò í bo.

²²Bɛ̀ ɑ̃ɑ̃̀ mutie mùù kɔ̀ù mùmmu n diì miɛkɛ, kɛ̀ sinɛ́yɛ̃ĩ m pĩ́ nkɛ̀ bɛ̀ n duɔ́ mmɛnɛ́yɑ̃ɑ̃ mmɛ̀ɛ̀ kɔkɛ́nɛ̀ dɛtiirɛ.

²³Bɛ bɑndiitìi nɑɑ́ ntimɑ́tì kɛ́ bɛ̀ tùɔ̀ti, kɛ̀ bɛ kpɑ̀tìi nɑɑ́ nkuyɑú.

²⁴Bɛ nuɔ nhṹṹ nkɛ̀ bɛ̀ tɛ̃́nkɛ bɑ́ nwúó, pṹtínnɛ́ bɛ sɑ̃́ɑ̃̀ kɛ̀ bɛ̀ɛ nɑɑ́ nsihùù yɛmbɛ̀.

²⁵A miɛkɛɛ bɛ̀ pɛikɛ kɑ̀ɑ bɛ̀ potɛ́, ɑ miɛkɛ diɛkɛ̀ɛ do bɛ ĩ́nkɛ̀ kɛ́ bɛ̀ cɔ̀útɛ́.

²⁶Kɛ̀ bɛ cɛ̃kɑ̀rɛ̀ nɑɑ́ ntidobontì, òmɔù bɑ́ nkpɑɑ́ bɛ cɛ̃́ĩ miɛkɛ.