YƐSÃÃ 66:6-18

⁶Kuù do kèétɛ́ dɑ̀mɛ́ɛ̀rì kó mɛniɛ, kɛ̀ ti yɛmbɛ̀ɛ nɑ dɛkperɛ̀ kɛ́séntɛ́ kuù duɔ́ nkɛ̀ mɛniɛ nkũ̀ṹ kukó nkɛ̀ ti sèńtɛ́, kɛ̀ dɛ̀ ti nɑɑti ku kpɛ́í.

⁷Kuù bɑkɛ́ nɛ̀ muwɛ̃rímú kutenkù kumɔu sɑ̃́ɑ̃̀, kɛ pɑkɛ́ ibotí imɔu, kù í yóó yóu bɛ̀ɛ̀ yetɛ ku kpɛti kɛ̀ bɛ̀ nkérí kɛ yíéo.

⁸Ibotí, dɔunɛ̀ Kuyie mmutɔ̃mmú, mpĩɛ̃kùnɛ̀ kɛ kù sɑ̃ntí.

⁹Kuù ti duɔ̀ mmufòmmu, kɛ í yóu kɛ̀ ti duò.

¹⁰Kuyie nhɑ ti wèńtɛ́mu kɛ ti yɑ̀ɑ́kɛ́, bɛ̀ ɔ̃ɔ̃ pṹnnɛ́ mɛ̀ɛ̀ botí timɑ́tì pɛ́ítì,

¹¹kɛ́ tì tɑnnɛ́ ticùɔ̀tì miɛkɛ, kɛ́ tì toú nyɛtuɔ cɛ̃́ɛ̃́yɛ̀,

¹²kɛ duɔ́ nkɛ̀ bɛnìtìbɛ̀ nnɑ̀ù ti ĩ́nkɛ̀ nɛ̀ sisɛ̃ĩ́, kɛ̀ ti tɑ muhɑ̃ɑ̃́ nkɛ tɑ mɛniɛ, kɑ̀ɑ mɛ nti dènnɛní kɛ̀ ti di diwɛ̀ì.

¹³N tɑti ɑ cĩ́ɛ̃̀tɛ̀ miɛkɛ nkɛ kɛ bo dɑ fíé iwũɔ̃, kɛ dɑ́ dɔ̀ɔ̀ n yɛ̃ n yóó dɑ dɔɔ̀ tì,

¹⁴n do bɛ́i ntì n yɛǹcɑɑ̀rìmɛ̀ mɔ̀nnì.

¹⁵N yóó dɑ kuɔ iwũɔ̃ mɛkùɔ̀ nkpɛyi nyi, yɛpedɑkɛ̀ nɛ̀ yɛnɑɑdɑkɛ̀ nɛ̀ yɛbɔdɑkɛ̀, kɛ́cɔ́u nkɛ̀ kuyukúu dekoo ɑ bo kɛ̀.

¹⁶Díndi bɛ̀ɛ̀ dé Kuyie kɔtɛnɛ̀ní dimɔu, kɛ́kéntɛ́ kɛ̀ n di nɑ́kɛ́ kù n dɔ̀ɔ̀ dɛ̀.

¹⁷N ku kuɔ́nnɛ̀mu kɛ pɑ̃̀nkɛ ku sɑ̃ntɛ.

¹⁸Kɛ̀ n do nyɑ́ɑ́ mɛyɛi mmɑmɛ̀ n yɛ̀mmɛ̀ miɛkɛ, n Yiɛ̀ nKuyie nnɑ bɑ́ nni nkèńtɛ́.