YƐSÃÃ 64:6-10

⁶Bɛ̀ yɑ̀úkùnko bɛtɔbɛ̀ kɔ̃̀ntì nti kɛ bo ndɔɔri mɛyɛi, kɛ dɑkii kɛ bo sɔri kɛ díí ntimɑ́tì, kɛ nɑ́ɑ́ nkɛ tú: Òmɔù í yóó ti yɑ̀.

⁷Bɛ̀ dɑ̀kii kɛ dɔ́ mɛyɛi mmɑ́ɑ̀ ndi, kɛ nɑ́ɑ́ nkɛ tú bɛ̀ bɑ̀ɑ́tí kɛ̀ dɛ̀ wennimu. Onìtì yɛ̀mmɛ̀ cũmpúrìmu, ɑ bɑ́ɑ́ nɑ kɛ́nyɛ̃́ dɛ̀ɛ̀ bo o miɛkɛ.

⁸Kuyie mmɛ mbɛ̀ tɑ̃ũ ku pie nyi dɛndɛ bɑ̀mbɑ̀, kɛ̀ ì bɛ̀ tùɔ̀tì kɛ̀ bɛ̀ duò.

⁹Bɛ nɔ̀ yɛɛ̀ bɛ̀ tùɔ̀tì, bɛ̀ɛ̀ bɛ̀ yɑ̀u bɛ̀ bo ndɑú kɛ́héùròo.

¹⁰Kɛ̀ kufɔ̃wɑɑ́ mpĩ́ mbɛnìtìbɛ̀, kɛ̀ bɛ̀ nnɑ́ɑ́ nKuyie ndɔɔ̀ dɛ̀, kɛ́bɑntɛ́ kù pĩ mmɛ̀ɛ̀ botí mutɔ̃mmú.