YƐSÃÃ 50:5-12

⁵Kuù tu: Tíínnɛ̀nní díndi n kɔbɛ bɛ̀ɛ̀ yìé n kpɛti, díndi bɛ̀ɛ̀ fèútɛ́ fɛɔ̃̀fɛ̀ kɛ n tɑunnɛ̀.

⁶Kɛĩ́nkɛ̀ nɑ̀ɑ́mmu Kuyie nwennimɛ̀, kuù tu obeéntì.

⁷Isidɑyɛɛribɛ kéntɛ́nɛ̀, n dɔ́ kɛ di bɛ́innɛ̀mu, N kó bɛnìtìbɛ̀ n nɑ́ɑ́nnɛ̀ dí mbɛ kɛ di sɛí, mí nKuyie ndi tũ nkù.

⁸N yí di sɛí nyiwũɔ̃ di n feu ì kpɛ́í, di ì nni nfeumu sɑ̃́ɑ̃̀.

⁹N yí yóó pĩ́ nyɛnɑɑdɑkɛ̀ di cɛ̃́ĩ miɛkɛ, yoo yɛbɔdɑkɛ̀ di bɔtuo miɛkɛ.

¹⁰Míì te ikpɑwũɔ̃ imɔu, yɛtɑ̃rɛ̀ ĩ́nkɛ̀ kó siweí ticɛ̃nti ticɛ̃nti, míì sì te.

¹¹N yɛ̃́mu tinɔ̀tì timɔu, tikpɑsĩ̀ntì timɔu tu n kpɛti nti.

¹²Kɛ̀ dikònnì do m bo m bɑ́ɑ́ di nɑ́kɛ́, míì te kutenkù kumɔu nɛ̀ dɛ̀ɛ̀ bo ku miɛkɛ.