YƐSÃÃ 39:6-12

⁶A n duɔ́ mmùù fòmmu mɑ̀nnɛ̀ tɛnɔ̀ùtɛ̀ pɛ̃kùmɛ̀ mmɛ, n we í tùɔ̀kɛ dɛ̀mɑrɛ̀ ɑ ììkɛ̀, ɑ borɛ̀ onìtì dò mmuyɑɑ́ mmu.

⁷Onìtì dònnɛ̀ mɛdɛ́ɛ̀ mmɛ kɛ firì, ò ɑ̀rìmu kɛ dò mmuyɑɑ́ kɛ wɑɑ̀ ntikpɑ̀tì ò mɛ nyí yɛ̃́ wèè yóó tì tiekɛ.

⁸N Yiɛ̀ nKuyie, n kémmú we? Fɔ̃́ nwe m búɔ́mɛ̀.

⁹N dɛɛtɛ́nɛ̀ n yɛi, bɑ́ɑ́ yóu kɛ̀ tiyɛìntì nni ndɑú.

¹⁰M muti tɑ́u nwe, n yí nɑ́ɑ́ nkɛ́yɛ̃́ dɛ̀ bonímɛ̀ fɔ̃́ɔ̃̀ borɛ̀.

¹¹N yóu tiyɛ̃ĩti, ɑ m puotì kɛ̀ n duòmu.

¹²A ɔ̃ mpuotì onìtì koò tiè nho yɛi nkpɛ́í nkɛ, kɛ dò nyibiɛ́ kɛ cɑɑ̀ri ò dɔ́ dɛ̀ mɛdiɛ̀. Onìtì dò mmuyɑɑ́ mmu.