YƐSÃÃ 38:7-19

⁷Kuyonku kuù ǹ nɑ kɛ m̀ pũ̀tínnɛ́ mɛdiɛ̀, kɛ̀ n yɛ̀mmɛ̀ cɑ̀ɑ̀ri yɛwe yɛmɔu.

⁸N kɔ̃̀ntì tiì cɔ̀ú, dɛ̀mɑrɛ̀ tɛ̃́nkɛ í pĩ́ n kɔ̃̀ntì miɛkɛ.

⁹N yí mɔkɛ muwɛ̃rímú, n kɔ̃̀ntì kèétɛ́ kéétɛ́mu, n yɛ̀mmɛ̀ mɛɛ̀ cɑ̀ɑ̀rɛ̀ kɛ̀ n kuɔ̀ nkɛ mítìrì.

¹⁰Kuyie nhɑ yɛ̃́mu n dɔ́ dɛ̀, ɑ wúómmu n dɑbònnì.

¹¹N kɔ̃m̀bùɔ̀tì tiì duò, kɛ̀ n wɛ̃rímú dèè, n nuɔ ntɛ̃́nkɛ í wúó.

¹²N nɛ́pobɛ̀ nɛ̀ n nɛitinɛ̀ bɛ̀ n kɛntɛ́mu, n kɔbɛ n yentɛ́mu nh ɑ́ɑ̀rìmɛ̀ kpɛ́í.

¹³Bɛ̀ɛ̀ n dɔ́nɛ̀ mukṹṹ mbɛ̀ n dii timɑ́tì nti, bɛ̀ɛ̀ n dɔ́nɛ̀ mɛyɛi nkɛ̀ bɛ̀ n sɑ̃́ɑ̃́, bɛ̀ ɔ̃ ntṹṹ nkɛ nɑ́ɑntɛ n kpɛ́í nkɛ.

¹⁴Mí n nɑɑ́ ndiɔ̃̀nnì ndi, n tɛ̃́nkɛ í yo, n nɑɑ́ nwèè nɔ́ndɛnfɛ̀ dɑ̀ri wènwe n yí nɑ́ɑ́ ntìmɑtì.

¹⁵N dò ndiɔ̃̀nnì ndi, n yí tɛ̃́nninko tìmɑtì.

¹⁶N Yiɛ̀ nKuyie m búɔ́ fɔ̃́ nwe, Kuyie nfɔ̃́ɔ̃̀ n te, fɔ̃́ɔ̃̀ yóó n teennɛ̀.

¹⁷Bɑ́ɑ́ yóu kɛ̀ bɛ̀ nni nyɑ̃nkunɛ̀, n dɔ́ kɛ́do dìì mɔ̀nnì, bɑ́ɑ́ yóu kɛ̀ bɛ̀ n nɑ.

¹⁸N tɔ̀ɔ́nnɛ̀ m bo domɛ̀ mmɛ, mɛfɛ̃́ṹtímɛ̀ í iiti m borɛ̀.

¹⁹N yiemmu n cɑɑ̀rìmɛ̀, kɛ̀ n yɛi nni nkɔɔ́nnɛ̀.