YƐSÃÃ 32:2-7

²Dɛ̀ nnɑɑti ti yiɛ̀ nKuyie ntɛ̃́nkɛ í kɑɑ̀nnɛ̀ wèè kó mɛyɛi, dɛ̀ nnɑɑti wèè yɛ̀mmɛ̀ wenni.

³N do í dɑ́ɑ dìì mɔ̀nnì n yɛi nkɛ̀ n wɛ̃rímú mùù dèè, kɛ̀ n níí ntṹṹ nkɛ mítìrì.

⁴Kɛ yɛ̃́ ɑ do m puotìmɛ̀ kuyie nnɛ̀ kɛyènkɛ̀, kɛ̀ n wɛ̃rímú dèè kɛ̀ m mɔ̀tɛ́ mupɑɑkɛ̀ntie kɔ̃mɛ.

⁵M mɛ ndɑ dɑ́ɑmmu n yɛi, n yí sɔ̀nnɛ n yetímɛ̀, m bɛ́immu kɛ tú n cɑ̀ɑ̀rɛ̀, kɛ dɑ dɑ́ɑ n yɛi, nkɑ̀ɑ mɛ̀ nni nhũtɛ́.

⁶Dɛɛ̀ te kɛ̀ bɛsɑ̀ɑ̀bɛ̀ dò nkɛ́ ndɑ bɑ́ɑ́ ndimɔ̀nnì sɑ̀ɑ̀rì. Bɑ́ kɛ̀ mɛyɛi tùɔ̀kɛní fɛtɑɑfɛ̀ diɛfɛ̀ kɔ̃mɛ mɛ̀ bɑ́ɑ́ bɛ̀ nìntɛ.

⁷Fɔ̃́ɔ̃̀ tu n kó disɔ̀rì kɛ ɔ̃ nni nkɑ̃nkɛ́ mɛhɑ́ɑ́rìmɛ̀ mɔ̀nnì, M bo ndiè nkɛ dɑ sɑ̃ntí ɑ n kɑ̃nkɛ́ mɛ̀ɛ̀ kpɛ́í.