YƐSÃÃ 25:3-12

³Bɛ̀ɛ̀ dɑ duɔ́ mbɛmɑ́ɑ̀ ifɛi í bɛ̀ pĩĩ, ì yóó pĩ́ mbɛ̀ɛ̀ dɑ yetɛ bɛ̀mbɛ.

⁴N Yiɛ̀ nKuyie, m bɛnkɛ ɑ cɛ, n niitɛ́ icɛ ɑ dɔ́ nní ntũ nyì.

⁵M bɛnkɛ timɔ́mmɔnti kó kucɛ kɛ́ n tié, fɔ̃́ɔ̃̀ tu Kuyie nkɛ n dɛɛrí. N yĩkú fɔ̃́ɔ̃̀ ĩ́nkɛ̀ yɛwe yɛmɔu.

⁶Ti Yiɛ̀ nKuyie nhɑ bɑ́ɑ́ yɛ̃̀, nhɑ ti kuɔ̀mmɛ̀ mɛsémmɛ̀ kɛ ti dɔɔri mɛsɑ̀ɑ̀ nsɑ̃́ɑ̃̀. A sémmɛ̀ nɛ̀ ɑ sɑ̀ɑ̀ ndɛ̀ bomu nsɑ̃́ɑ̃̀.

⁷Bɑ́ ndenniní n do dɔɔri mɛ̀ɛ̀ yɛi, nɛ̀ n yetɛ́mɛ̀ n kpɑɑ́ bɛ ndìì mɔ̀nnì, ɑ sɑ̀ mɛ̀ɛ̀ kpɛ́í bɑ́ n yɛ̃̀. A niti mɛ̀ɛ̀ kpɛ́í nyɛ̃́ n kpɛ́í.

⁸Kuyie nwennimɛ̀ kɛ dɔɔri dɛ̀ɛ̀ wenni, dɛɛ̀ te kɛ̀ kù bɛnkú onitiyɛiwe ò dò nkɛ́tũnnɛ kùù cɛ.

⁹Kɛ kerinɛ̀ bɛ̀ɛ̀ kɛ̃́kùnko bɛmɑ́ɑ̀ timɔ́mmɔnti miɛkɛ, kɛ bɛ̀ bɛnkú ku kó kucɛ.

¹⁰Kuyie nkó itié nwennimu, kɛ tú imɔ́mmɔnyi, bɛ̀ɛ̀ kù tɑunnɛ̀ kɛ tũ nku kuɔ́ bɛ kpɛ́í.

¹¹Ti Yiɛ̀ nKuyie nnɛ̀ ɑ kó diyètìrì kpɛ́í, n cĩ́ɛ̃́ n yɛi, mɛ̀ dɛumu.

¹²Kòo nìtì dé ti Yiɛ̀ nKuyie, kù ɔ̃ɔ̃ ò bɛnkɛmu kucɛ ò dò nkɛ́tɑ̃ɑ̃tɛ́ kù.