Text copied!
CopyCompare
Bibiri Kuyie Nnɑ́ɑǹtì Pɑ́tíri - YƐSÃÃ - YƐSÃÃ 139

YƐSÃÃ 139:1-10

Help us?
Click on verse(s) to share them!
1Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀. N Yiɛ̀ nKuyie nhɑ n wúómu kɛ n yɛ̃́.
2Kɛ̀ n kɑ̀ri ɑ yɛ̃́mu, kɛ̀ ǹ yìtɛ́ ɑ yɛ̃́mu, n yɛntotí ɔ̃ nkpɑɑ́ díɛtirì kɑ̀ɑ ì yɛ̃́mu.
3Kɛ̀ m bo kupɔ̀ɔ̀kù ɑ yɛ̃́mu, kɛ̀ n duɔ́ ɑ yɛ̃́mu, ɑ í biinnìnɛ̀ n kó kucɛ mɑkù.
4Tinɑ́ɑǹtì ɔ̃ɔ̃ í nyɛ̀nní n nùù, n Yiɛ̀ nKuyie nkɑ̀ɑ pɑ̃̀nkɛ ti yɛ̃́mu timɔu.
5A bomu n fɔ̃nkúò, kɛ bo n yììkɛ̀, kɛ̀ m bo ɑ nɔ̀ùtɛ̀ miɛkɛ.
6A n yɛ̃́ kɛ̀ dɛ̀ tontɛ́mu, m bɑ́ɑ́ nɑ kɛ́bɑntɛ́ ɑ n yɛ̃́ kɛ̀ dɛ̀ mɑ̀mɛ̀, dɛ̀ pɛ̃ɛ̃tɛ́mu n ciì.
7M bo kɔtɛ kɛ kɛ dɑ dɛ́tɛ́nɛ̀? M bo cokɛ́ kɛ́cuó nkɛ kɑ̀ɑ í nni nyɑ̀?
8Kɛ̀ n dèkɛ kɛĩ́nkɛ̀ ɑ kɛ̀ bomu, kɛ̀ n tɑ kudɔnkù ɑ kɛ̀ bomu.
9Bɑ́ kɛ̀ m pùu kɛ kɔ̀tɛ diyiè yìɛ̀ní kɛ̀, bɑ́ kɛ̀ n sèńtɛ́ dɑ̀mɛ́ɛ̀rì yɑ́ɑ̀ ɑ kɛ̀ bomu.
10A nɔ̀ùtɛ̀ tɛɛ̀ bɑɑ yó nni nni, kɑ̀ɑ nɔ̀ùtɛ̀ youtɛ m pĩ́.

Read YƐSÃÃ 139YƐSÃÃ 139
Compare YƐSÃÃ 139:1-10YƐSÃÃ 139:1-10