YƐSÃÃ 135:4-17

⁴Kɛ yɛ̃́ kuù tɑ̃ɑ̃tɛ́mɛ̀ Sɑkɔbu yɑɑ̀bí, bɛmbɛ Isidɑyɛɛribɛ kɛ̀ bɛ̀ tu ku kɔbɛ.

⁵N yɛ̃́mu ti Yiɛ̀ nKuyie ndɛumɛ̀, ti Yiɛ̀ nKuyie nkpeńnìnɛ̀mu yɛbɔkɛ̀ yɛmɔu.

⁶Ti Yiɛ̀ nKuyie ndɔ́ kɛ́dɔɔ̀ dɛ̀, kù dɛ̀ dɔ̀ɔ̀rimu kɛĩ́nkɛ̀ miɛkɛ nɛ̀ kɛtenkɛ̀ ĩ́nkɛ̀, dɑ̀mɛ́ɛ̀rì miɛkɛ nɛ̀ dɛcũmpurɛ dɛmɔu miɛkoo.

⁷Kuù ɔ̃ɔ̃ íinní yɛwɛtɛ̀ itemmɑ̀nkɛ, kuù ɔ̃ɔ̃ duɔ́ nkɛ̀ fɛtɑɑfɛ̀ɛ kperi kɛ́mmíí kɛ niù, kuù ɔ̃ɔ̃ kpetɛ́ kuyɑɑkù.

⁸Kuù do kùɔ Esibiti kɔbɛ bɛ̀ɛ̀ tu Mpo nɛ̀ iwũɔ̃ ketiyì.

⁹Kɛ̀ kù dɔɔ̀ mɛbɛnkùmɛ̀ nɛ̀ tidiɛtì Esibiti ɛì miɛkɛ, kɛ bo bɛnkɛ Esibiti kóo kpɑ̀ɑ̀tì nɛ̀ o tɔ̃mbɛ̀,

¹⁰kuù potɛ́ yɛbotɛ̀ pɛ́u, kuù kùɔ bɛkpɑ̀ɑ̀tìbɛ̀ kperíbɛ̀.

¹¹Siyɔ̃ɔ̃ Amɔriibɛ kpɑ̀ɑ̀tì, nɛ̀ Ɔku Bɑsɑ̃ɑ̃ tenkɛ̀ kóo kpɑ̀ɑ̀tì nɛ̀ Kɑnnɑhɑ̃ɑ̃ kó bɛkpɑ̀ɑ̀tìbɛ̀ bɛmɔu.

¹²Kɛ duɔ́ nkɛ̀ ku nìtìbɛ̀ɛ tiekɛ bɛ tenkɛ̀, kɛ́ nkɛ̀ te bɛmbɛ Isidɑyɛɛribɛ.

¹³Ti Yiɛ̀ nKuyie nyètìrì feímu sɑ̃́ɑ̃̀, ti bɑ́ɑ́ yɛ̃̀ nhɑ kpɛ́í nɛ̀ ti yɑɑ̀bío.

¹⁴Ti Yiɛ̀ nKuyie nyóó kónnɛ́mú ku nìtìbɛ̀, kù yóó kuɔ́mmu ku nìtìbɛ̀ mɛsémmɛ̀.

¹⁵Yɛbotɛ̀ kó yɛbɔkɛ̀ tu timɑ́tì pɛ́ítì nɛ̀ mɛsɔɔ, bɛnìtìbɛ̀ dɔ̀ɔ̀ dɛ̀ndɛ nɛ̀ bɛ nɔu.

¹⁶Yɛ̀ mɔ̀kɛmu yɛnɔ̀ yɛ̀ mɛ nyí nɔ nkɛ nɑ́ɑ́, kɛ mɔkɛ inuɔ nyɛ̀ mɛ nyí wúó.

¹⁷Yɛ̀ mɔ̀kɛmu yɛto, yɛ̀ mɛ nyí yo, yɛ̀ í mɔkɛ muwemmu.