YƐSÃÃ 135:1-9

¹Nsɑ̃ntínɛ̀ ti Yiɛ̀ nKuyie! Dɛ́úkùnnɛ ku yètìrì. Díndi ti Yiɛ̀ nKuyie ntɔ̃mbɛ̀, nsɑ̃ntínɛ̀ ku.

²Díndi bɛ̀ɛ̀ bo ku cĩ́ɛ̃̀tɛ̀ miɛkɛ nɛ̀ díndi bɛ̀ɛ̀ bo tɛ dɑ̀ntì.

³Nsɑ̃ntínɛ̀ ti Yiɛ̀ nKuyie nkɛ yɛ̃́ kù wennimɛ̀, dɛ́úkùnnɛ ku yètìrì kɛ yɛ̃́ kù ti dɔ́nɛ̀mɛ̀ mɛsɑ̀ɑ̀.

⁴Kɛ yɛ̃́ kuù tɑ̃ɑ̃tɛ́mɛ̀ Sɑkɔbu yɑɑ̀bí, bɛmbɛ Isidɑyɛɛribɛ kɛ̀ bɛ̀ tu ku kɔbɛ.

⁵N yɛ̃́mu ti Yiɛ̀ nKuyie ndɛumɛ̀, ti Yiɛ̀ nKuyie nkpeńnìnɛ̀mu yɛbɔkɛ̀ yɛmɔu.

⁶Ti Yiɛ̀ nKuyie ndɔ́ kɛ́dɔɔ̀ dɛ̀, kù dɛ̀ dɔ̀ɔ̀rimu kɛĩ́nkɛ̀ miɛkɛ nɛ̀ kɛtenkɛ̀ ĩ́nkɛ̀, dɑ̀mɛ́ɛ̀rì miɛkɛ nɛ̀ dɛcũmpurɛ dɛmɔu miɛkoo.

⁷Kuù ɔ̃ɔ̃ íinní yɛwɛtɛ̀ itemmɑ̀nkɛ, kuù ɔ̃ɔ̃ duɔ́ nkɛ̀ fɛtɑɑfɛ̀ɛ kperi kɛ́mmíí kɛ niù, kuù ɔ̃ɔ̃ kpetɛ́ kuyɑɑkù.

⁸Kuù do kùɔ Esibiti kɔbɛ bɛ̀ɛ̀ tu Mpo nɛ̀ iwũɔ̃ ketiyì.

⁹Kɛ̀ kù dɔɔ̀ mɛbɛnkùmɛ̀ nɛ̀ tidiɛtì Esibiti ɛì miɛkɛ, kɛ bo bɛnkɛ Esibiti kóo kpɑ̀ɑ̀tì nɛ̀ o tɔ̃mbɛ̀,