Text copied!
CopyCompare
Bibiri Kuyie Nnɑ́ɑǹtì Pɑ́tíri - YƐSÃÃ - YƐSÃÃ 119

YƐSÃÃ 119:62-72

Help us?
Click on verse(s) to share them!
62Kɛyènkɛ̀ cuokɛ̀ nh ɔ̃ɔ̃ entɛmu kɛ́ ndɑ sɑ̃ntí. A tɑ̃ɑ̃tɛ́ tì sìɛ́ mɛ̀ɛ̀ kpɛ́í.
63N nɑɑtinɛ̀mu bɛ̀ɛ̀ kó dimɑ̀ɑ̀ dɑ dé. Bɛ̀ɛ̀ kó dimɑ̀ɑ̀ tũ nhɑ tɑnnɔ̀.
64N Yiɛ̀ nKuyie nhɑ sɑ̀ɑ̀ mmɛɛ̀ pìɛ́kɛ́ kutenkù n tié nhɑ kuɔ́.
65N Yiɛ̀ nKuyie nhɑ do tì bɛ́immu, kɛ mɛ nni ndɔ̀ɔ̀ mɛsɑ̀ɑ̀ m mí nhɑ kóo tɔ̃ntì.
66M bɛnkɛ mɛsɑ̀ɑ̀ nnɛ̀ m bo mbɑɑ̀tìmɛ̀ dɛ̀ɛ̀ wenni nɛ̀ mɛciì. Kɛ yɛ̃́ n yĩkúmɛ̀ ɑ tɑnnɔ̀ ĩ́nkɛ̀ nkɛ.
67N do í kɛ̃kɛ dìì mɔ̀nnì kɛ dɑ dɛ́tirìnɛ̀mu, di mmɔ̀nnì m mɛ mpĩ̀ḿmu ɑ nɑ́ɑǹtì.
68A nitimu kɛ dɔɔri mɛsɑ̀ɑ̀, n tié nhɑ kuɔ́.
69Sipɔɔ yɛmbɛ̀ bɛɛ̀ n sĩ̀nkùnnɛ nɛ̀ bɛ kó siyɑ́ɑ̀bìsí, mí m mɛ mpĩmmu ɑ tɑnnɔ̀ nɛ̀ n yɛ̀mmɛ̀ mɛmɔu.
70Bɛ̀ ɑnkɛmu tìmɑtì í bɛ tɑɑ̀, dɛ̀ mɛ nni nɑɑtimu nɛ̀ ɑ kuɔ́.
71Bɛ̀ n dií nyifɛi kɛ̀ dɛ̀ n dɔ̀ɔ̀ mɛsɑ̀ɑ̀ mmɛ, kɛ̀ n yĩ̀ɛ̃́tɛ́ ɑ kuɔ́.
72Mí m borɛ̀ ikuɔ́ ìì yɛ̀nní ɑ nùù ì pɛ̃ɛ̃tɛ́mu yɛsɔɔwèrɛ̀, sikɔupí sikɔupí yoo timɑ́tì pɛ́ítì kpɛyɛ.

Read YƐSÃÃ 119YƐSÃÃ 119
Compare YƐSÃÃ 119:62-72YƐSÃÃ 119:62-72