44N yóó mpĩ́mmu ɑ kuɔ́, n yí yóó yóu ɑ kuɔ́ nɛ̀ m bo mbomɛ̀.
45Yóu kɛ̀ nní mbonɛ̀ kuyɛǹnɑɑtí, kɛ yɛ̃́ n tũmmɛ̀ ɑ tɑnnɔ̀.
46N yó nnɑ́ɑ́mmu ɑ tié bɛkpɑ̀ɑ̀tìbɛ̀ ììkɛ̀, ifɛi í yó nyì nni mbonɛ̀.
47Dɛ̀ ɔ̃ nni nnɑɑtinɛ̀mu ɑ tɑnnɔ̀, n yɛ̀ dɔ́mu.
48N yuo n nɔu nsi kɛ bo cɔutɛ́ ɑ tɑnnɔ̀, n yɛ̀ dɔ́mu, nh ɑ̃ɑ̃̀mu ɑ kuɔ́ n yɛ̀mmɛ̀ miɛkɛ.
49Dentɛní ɑ nɑ̀kɛ́ tìì nɑ́ɑǹtì, mí nhɑ kóo tɔ̃ntì n ti mbɑɑ.
50Nh ɔ̃ mbo mɛyɛǹcɑɑ̀rìmɛ̀ miɛkɛ, kɛ̀ dɛ̀ɛ m bɑ́ntɛ̀ dɛɛ̀ tu: A nɑ́ɑǹtì n duɔ̀mmɛ̀ mufòmmu.
YƐSÃÃ 119
YƐSÃÃ 119:44-50