1M birɛ mpĩ́ ndɑ tiè ntì, ɑ bɑ́ɑ́ yɛ̃̀ n yɛ̃ nhɑ ndɔɔri dɛ̀,
2kéntɛ́ mɛsɑ̀ɑ̀ mɛciì nkó tinɑ́ɑǹtì, kɛ́duɔ́ nhɑ yɛ̀mmɛ̀ kɛ́ tì bɑntɛ́.
3Yú mɛciì nnɛ̀ mɛyɛ̀mmɛ̀ kɛ̀ dɛ̀ ndɑ teénnɛ̀.
4Wɑmmú dɛ bɛ̀ wɑɑ̀mmɛ̀ idíítí, kɛ́ ndɛ̀ bɛ̀tì tikpɑ̀tì kɔ̃mɛ.
5Dɛ mɔ̀nnì ndi ɑ yóó depɛmɛ̀ Kuyie nkɛ́nɑ kɛ́ kù yĩ̀ɛ̃́tɛ́,
6kɛ yɛ̃́ Kuyie nkuù duɔ̀mmɛ̀ mɛciì, kuù ɔ̃ nte kòo nìtìi ciitɛ́ kɛ́bɑntɛ́ dɛ̀mɑrɛ̀.
7Kuù dɔ̀ɔ̀ri mɛsɑ̀ɑ̀ mbɛ̀ɛ̀ borimɛ wenni, kɛ kɑ̃nkɛ́ bɛ̀ɛ̀ dɔ̀ɔ̀ri kù dɔ́mɛ̀.
8Kuù kɑ̃nkɛ́ bɛ̀ɛ̀ dɔɔ̀rìmɛ̀ wenni, kɛ bɑɑ bɛ̀ɛ̀ kù duɔ́ mbɛmɑ́ɑ̀.
YƐKOTINƆ̀ 2
YƐKOTINƆ̀ 2:1-8