YƐKOTINƆ̀ 29:6-20

⁶Bɛnitiyɛibɛ yɛi ndò ntìmɑ́tì nti kɛ bɛ̀ pĩĩ, kɛ̀ bɛsɑ̀ɑ̀bɛ̀ yɑ̃̀nku nɛ̀ diwɛ̀ì.

⁷Onitisɑ̀ù yɛ̃́mu ocĩ̀rì kpɛ́í, oyɛiwe yie mɛ nyí mɔkɛ dɛ kó mɛyɛ̀mmɛ̀.

⁸Sipɔɔ yɛmbɛ̀ bɛɛ̀ kònnìnko bɛnìtìbɛ̀, kɛ̀ bɛsɑ̀ɑ̀bɛ̀ bónkùnko kunɑupíɛ́.

⁹Kɛ̀ mɛciì nyiɛ̀ mmɔ̀kɛnɛ̀ kuyɛìnkù tìmɑtì, kòo miɛkɛ pɛikɛ yoo ò dɑú bɛ̀ í yóó nɑrikɛ.

¹⁰Bɛnitikɔ̀ùbɛ̀ nìímmu onitisɑ̀ù, kɛ̀ bɛsɑ̀ɑ̀bɛ̀ ò dɔ́.

¹¹Kuyɛìnkù kuù feinko ku yɛ̀mmɛ̀, kɛ̀ mɛciì nyiɛ̀ nyĩkú omɑ́ɑ̀.

¹²Kòo kpɑ̀ɑ̀tì yié nsiyɑ́ɑ̀bìsí o tũ̀mbɛ̀ ɔ̃ɔ̃ nɑɑ́ mbɛyɛibɛ mbɛ.

¹³Oyɛiwe nɛ̀ osénnìwè bɛ̀ wɛ̃ ndɛ̀ bo dɛ̀mɑ́ɑ̀ ndi, Kuyie nkuù kpetírí bɑ́ wè kó inuɔ.

¹⁴Okpɑ̀ɑ̀tì wèè bekùnɛ̀ bɛcĩ̀rìbɛ̀ kɛ̀ dɛ̀ wenni o kpɑ̀tì ɔ̃ nfííkúmu sɑ̃́ɑ̃̀.

¹⁵Kunɑsɑ̃́ɑ̃ nɛ̀ itié ndɛɛ̀ duɔ̀ mmɛciì, bɛ̀ yóu dɛ̀ɛ̀ birɛ kɛ̀ dɛ̀ dɔ̀ɔ̀ri dɛ̀ dɔ́mɛ̀ dɛ̀ ɑ̃ɑ̃̀ dɛ yɔ̃ nwe ifɛi.

¹⁶Kɛ̀ bɛyɛibɛ sũ̀ṹ mmɛyɛi mmɛɛ̀ ɔ̃ɔ̃ sṹṹ, bɛ̀ nɛ́ yóó duómu, kɛ̀ bɛsɑ̀ɑ̀bɛ̀ nwúó.

¹⁷Tié nhɑ birɛ kɛ̀ dɛ̀ dɑ om̀pùnnɛ kɛ nɑ́ríkùnnɛ ɑ yɛ̀mmɛ̀.

¹⁸Kɛ̀ Kuyie mpɑ̃ɑ̃nɑ́ɑǹtì nɑ́ɑm̀bɛ̀ í bo kubotí ɔ̃ɔ̃ í nyɛ̃́ kù co kɛ̀, dɛ̀ nnɑɑti wèè yié nKuyie nkuɔ́.

¹⁹Bɛ̀ í tiè nkudɑɑkù nɛ̀ tinɑ́ɑǹtì, kù yóó keèmu kù mɛ mbɑ́ɑ́ yie.

²⁰Kɑ̀ɑ yɑ̀ wèè nɑ̀ɑ́ nkɛ í yɛ̃́ ò tu mù, ɑ nyɛ̃́ kɛ tú kuyɛìnkù kɔ̃mɛ ò tɔ̃ũnɛ̀mu.