YƐKOTINƆ̀ 23:4-10

⁴Bɑ́ mbɛtì tikpɑ̀tì, ketɛ́ kɛ bɑ́ ntoti ɑ yɛ̀mmɛ̀ dɛ bíɛ́kɛ̀.

⁵A bo nkpɑɑ́ kɛ mu nyí yɑ̀ idíítí kɛ̀ ì pɛ̃ɛ̃tɛ́mu. Idíítí do nyì ɑ̃ ifìɛ̀ti nyi kɛ puù kɛ dɛ́tírí kɛĩ́nkɛ̀ fɛtúúfɛ̀ kɔ̃mɛ.

⁶A bɑ́ɑ́ wɛ̃nnɛ́nɛ̀ mɛyɛ̀mmɛ̀ yɛimɛ yiɛ̀ nkɛ̀ di di o diì, bɑ́ ndɑkɛ o diitì wenniku kpɛ́í.

⁷Ò yó ndɔɔri kɛ dò nhò dɑ dɔ́mu kɛ tú: Di kɛ́yɑ̃̀, kɛ nɛ́ dɑ dɔ́nɛ̀ mɛyɛi.

⁸A bo dentɛnɛ̀ ɑ bo tì tɔ̃́mɛ̀, kɑ̀ɑ do nɑ́ɑ́ ntìì nɑ́ɑǹnɑtì yɛi dɛtetìrɛ̀.

⁹Bɑ́ɑ́ nɑ́kɛ́ kuyɛìnkù ɑ kó tinɑ́ɑǹsɑ̀ɑ̀tì kù í yóó tì pɛ́nsìrì.

¹⁰A bɑ́ɑ́ tuo tɛbɑ̀tɛ̀ mɑ̀nku kó ditɑ̃́rì, bɑ́ɑ́ tɑ dɛciribirɛ kpɛtɛ miɛkɛ.