YƐKOTINƆ̀ 21:17-22

¹⁷Wèè dɔ́ kutenkù kó diwɛ̀ì ò bɑ́ɑ́ mɔɔtɛ o kpɛrɛ, wèè dɔ́ mɛnɑɑ̀ nnɛ̀ imɑɑ nhò bɑ́ɑ́ kpɑrìkɛ̀.

¹⁸Bɛnitiyɛibɛ bɛ̀ɛ̀ í mɔkɛ bɛ̀ tũ ndɛ̀ bɛ̀ bo yɑ̀ mɛyɛi, bɛsɑ̀ɑ̀bɛ̀ í yóó yɑ̀ mɛ̀.

¹⁹A bo nhɑ̃mɛ̀ tɛdɔntɛ̀ ĩ́nkɛ̀ dɛ̀ tɔ̃ũnɛ̀ ɑ bo nhɑ̃nɛ̀mɛ̀ onitipòkù yɛkpɑ̀rɛ̀ yiɛ̀ nwèè miɛkɛ pɛ́íkú mɛcɑ̃ɑ̃.

²⁰Mɛciì nyiɛ̀ nweè mɔ̀kɛ tikpɑ̀tì nɛ̀ dɛsɑ̀ɑ̀rɛ̀ o cĩ́ɛ̃̀tɛ̀, kɛ̀ kuyɛìnkù dɛ̀ cɑ̀ɑ̀ri dɛmɔu.

²¹Wèè dɔ̀ɔ̀ri dɛ̀ɛ̀ sìɛ́ kɛ niti ò ɔ̃ nfòù kɛ́mɔntɛmu kɛ̀ bɛ̀ ò dɔ̀ɔ̀ri mɛsɑ̀ɑ̀ nkoò dé.

²²Mɛciì nyiɛ̀ mbo nɑ kɛ́pi dihɛikperì bɛ̀ bɑ̀ɑ dì, kɛ́pɔntɛ bɛ yɛ̀mmɛ̀ do dò ndɛ̀ɛ̀ bɛ̀ kɑ̃nkɛ́.