YƐKOTINƆ̀ 16:20-28

²⁰Kɑ̀ɑ totí ɑ yɛ̀mmɛ̀ mɛsɑ̀ɑ̀ nkɛ dɔ̀ɔ̀ dɛ̀mɑrɛ̀ ɑ bo yɑ̀ diwɛ̀ì, wèè duɔ́ nhomɑ́ɑ̀ Kuyie ndɛ̀ bo nhò nɑɑti.

²¹Wèè nɑ̀ɑ́ ntinɑ́ɑǹtì tìì wenni bɛ̀ we ntú mɛciì nyiɛ̀, wèè nɑ̀ɑ́ ntinɑ́ɑnnɑtì bɛ̀ yìé nweè kpɛti.

²²Bɛ̀ɛ̀ mɔ̀kɛ mɛciì mɛ̀ bɛ̀ duɔ̀ mmufòmmu mmu, kɛ̀ kuyɛìnkù yɛìntì kù kɔ̀ù.

²³Mɛciì nyiɛ̀ nhɔ̃ɔ̃ totí o yɛ̀mmɛ̀ mmɛ kɛ bɛ́i nkɛ̀ bɛ̀ mɛ nyié nho nɑ́ɑǹtì.

²⁴Tinɑ́ɑǹnɑtì dònnɛ̀ mɛcekùɔ̀ mmɛ kɛ wɛɛti dinùù, kɛ duɔ̀ nkukɔ̃ǹnɑɑtí.

²⁵Onìtì yɛ̀mmɛ̀ ɔ̃ ndò nho borimɛ wennimu kɛ̀ mɛ̀ nɛ́ ò kɔ̀rinɛ̀ mukṹṹ.

²⁶Dikònnì diì ɔ̃ nte kòo nìtìi pĩ́ mmutɔ̃mmú, kɛ yɛ̃́ ò dɔ́mɛ̀ kɛ́di.

²⁷Onitiyɛiwe wɑɑ̀ mmɛyɛi mmɛ kòo nɑ́ɑǹtì tùɔ̀ mmuhɑ̃ɑ̃́ nkɔ̃mɛ.

²⁸Onitiyɛiwe wɑɑ̀ nyɛkpɑ̀rɛ̀ nyɛ, kòo nɑ́ɑntɔutì tɔ̃̀ũ̀ tinɛ́potì.