13Okpɑ̀ɑ̀tì dɔ́ wèè nɑ̀ɑ́ wènwe weti weti, kɛ dɔ́ wèè nɑ̀ɑ́ ntimɔ́mmɔnti.
14Kòo kpɑ̀ɑ̀tì miɛkɛ pɛikɛ ò bo nɑ kɛ́kuɔ onìtì, mɛciì nyiɛ̀ nweè bo nɑ kɛ́bónkùnnɛ okpɑ̀ɑ̀tì miɛkɛ.
15Okpɑ̀ɑ̀tì wɛ̀ì duɔ̀ mmufòmmu mmu, kòò dɔ̀ɔ̀ri mɛ̀ɛ̀ sɑ̀ɑ̀ ndò nfɛtɑboofɛ.
16A bo mmɔkɛmɛ̀ mɛyɛ̀mmɛ̀ dɛ̀ tɔ̃ũnɛ̀ ɑ bo mmɔkɛmɛ̀ mɛsɔɔ, kɑ̀ɑ bo nciìmɛ̀ tɔ̃ũnɛ̀ ɑ bo mmɔkɛmɛ̀ idíítí.
17Bɛnitisɑ̀ɑ̀bɛ̀ yennínɛ̀mu mɛyɛi nkó kucɛ, wèè dɑ̀kɛ o borimɛ kpɛ́í nhò dɔ́ o fòmmu mmu.
18Tɛpɔ̀tɛ̀ tɛɛ̀ ɔ̃ɔ̃ niitɛ́ kɛ́pĩ́ nhonìtì kóo cɑ̀kɛ, tɛfentɛ̀ tɛɛ̀ ɔ̃ɔ̃ niitɛ́ kɛ pĩ́ nhonìtì kòo do.
YƐKOTINƆ̀ 16
YƐKOTINƆ̀ 16:13-18