19Kòo nìtì dɔ́ dɛ̀mɑrɛ̀ kɛ dɛ̀ pɛ̀tɛ́ dɛ̀ ɔ̃ nhò nɑɑtimu. Bɛnitiyɛibɛ biɛ í dɔ́ kɛ́yóu mɛyɛi.
20Wèè nɛitinɛ̀ mɛciì nyɛmbɛ̀ ò ɔ̃ɔ̃ ciitɛ́mu, wèè nɛitinɛ̀ tiyɛìntì kòo nɑɑ́ nkuyɛìnkù.
21Mɛyɛi ntũ̀ mbɛnitiyɛibɛ mbɛ, kɛ̀ mɛsɑ̀ɑ̀ ntu bɛsɑ̀ɑ̀bɛ̀ kó mucɔ̃́ntimu.
22Mɛsɑ̀ɑ̀ nyiɛ̀ mbí ɔ̃ sɔɔtɛ́ o kpɛrɛ ndɛ, kòo nitiyɛiwe kpɛrɛ nɑɑ́ mbɛsɑ̀ɑ̀bɛ̀ kpɛrɛ.
23Bɛcĩ̀rìbɛ̀ pɑɑ mpɛímu mɛsɑ̀ɑ̀, kɛ̀ bɛnìtìbɛ̀ kɔ̃ mbɛ̀ í wenni mɛ̀ɛ̀ kpɛ́í.
24Wèè í puotì o birɛ, ò í dɛ̀ dɔ́, wèè dɛ̀ dɔ́ weè dɛ̀ tiè.
YƐKOTINƆ̀ 13
YƐKOTINƆ̀ 13:19-24