12Bɛnitiyɛibɛ dɔ́ mucɔ̃́ntimu yɛimu mmu, bɛnitisɑ̀ɑ̀bɛ̀ bɛɛ̀ ɔ̃ɔ̃ cɔ̃ntɛ.
13Onitiyɛiwe nɑ́ɑǹtì ò pĩĩ mmu, kòo sɑ̀ù ɔ̃ɔ̃ yɛ̀ bɑ́ tìì miɛkɛ.
14Onìtì piɛti mɛsɑ̀ɑ̀ nho nɑ́ɑǹtì miɛkɛ nkɛ, bɛ̀ piɛti mɛ̀ɛ̀ botí mucɔ̃́ntimu mutɔ̃mmú miɛkɛ.
15Kuyɛìnkù yɛ̀mmɛ̀ ɔ̃ ndo nkù dɔ̀ɔ̀ri dɛ̀ wennimu, wèè ciì kòò yìé nyitié.
16Kuyɛìnkù kuù miɛkɛ cɔ́ú mmɛcɑ̃ɑ̃, wèè ciì kòò sɔ̀rì o miɛkɛ.
17Wèè nɑ̀ɑ́ ntimɔ́mmɔnti weè tũ̀nni tinɑ́ɑǹtì, wèè nɑ̀ɑ́ nsiyɑ́ɑ̀bìsí kòò tì cɑ̀ɑ̀ri.
18Wèè nùù yɑu o nɑ́ɑǹtì kɔ̀ùrìmu disiè kɔ̃mɛ, wèè ciì kòo nɑ́ɑǹtì miɛkùnko.
19Timɔ́mmɔnti ɔ̃ mbomu sɑ̃́ɑ̃̀, kɛ̀ siyɑ́ɑ̀bìsí pɛ̃nkù mɛcɑ̃ɑ̃.
20Bɛ̀ɛ̀ wɑnti mɛyɛi mbɛ̀ tu bɛniticiìmbɛ̀ mbɛ, bɛ̀ɛ̀ tiè nyitié nsɑ̀ɑ̀yì kɛ̀ bɛ̀ piɛti diwɛ̀ì.
21Mɛyɛi mmɑmɛ̀ í tuɔ̀kùní bɛnitisɑ̀ɑ̀bɛ̀, mɛ̀ tùɔ̀kùní bɛyɛibɛ mbɛ.
22Kuyie nyí dɔ́ siyɑ́ɑ̀bìsí yɛmbɛ̀, kù dɔ́ timɔ́mmɔnti yɛmbɛ̀ mbɛ.
23Wèè ciì ò í pɔtì o ciì, kuyɛìnkù kuù bɛnkú ku yɛìntì.
24Wèè dɔ́ mutɔ̃mmú weè nɑɑ̀ nhokpɑ̀ɑ̀tì, kòo tɔ̃nnɛ́díétì nɑɑ̀ nkudɑɑkù.
25Iyɛntotí yɔku onìtì nwe kɛ̀ tinɑ́ɑǹsɑ̀ɑ̀tì ò kpénkùnko.
26Onitisɑ̀ù bɛnkú o kou kucɛ sɑ̀ɑ̀kù nku, kòo nitiyɛiwe ò fétìnko.
YƐKOTINƆ̀ 12
YƐKOTINƆ̀ 12:12-26