Yɛbəc 1:20-26

²⁰Bawo anacic nde Yabura Dawuda disrɛ: ‹Kəlɔ kɔn kəyɔ fos, ali fum ta pəyi ki!› K’ɛnacicəs sɔ: ‹Wəlɔma pəlɛk dəkəcəmɛ dɔn!›

²¹Mɛnɛ pamɔmənɛ afum aŋɛ ŋaŋc-cəmbər su tɛm ntɛ Yesu ɛŋc-pɛ pəc-tor kɔ səna mɔ, mɛnɛ wəkin pəyi su dacɔ nwɛ endeyɔnɛ wətəŋnɛ mes mmɛ mɛnacepər fɔr yɔn kiriŋ kəyɛfɛ ka Yesu afi dacɔ, mɛnɛ wəkayi sɔ pəyɔnɛ wənatəŋnɛ mes fəp kəlɛk kəgbət ka Saŋ teta Kanu, haŋ dɔsɔk ndɛ Yesu ɛnayɛfɛ su dacɔ mɔ.»

²³Awa kɔ ŋamentər afum mɛrəŋ: Matiyas, kɔ Isifu nwɛ aŋc-we Barsabas, pac-deŋər kɔ sɔ tewe ta Yusutu.

²⁴Kɔ ŋantola Kanu ntɛ: «Wəbɛ, məna nwɛ məŋcərɛ bəkəc ya fəp mɔ, məmentər su gbasŋa wəkin nwɛ məlɛk kədecɔŋc Yudas akaŋɛ mɛrəŋ dacɔ mɔ.

²⁵Tɔsɔŋɛ wəkayi kəcop su dacɔ yɛbəc yɔn, pəlɛk dəkəcəmɛ ndɛ Yudas ɛnasak a k’ɔŋkɔ kəfo nkɛ kəmar kɔ mɔ.»

²⁶Kɔ ŋaŋkot yampuŋ-puŋ kɔ tosurɛnɛ Matiyas nwɛ anabɛrɛnɛ Asom aŋɛ wəco kɔ pin mɔ.